«Анаабыр» айан суолга киһи өлүүлээх саахал таҕыста

«КамАЗ» түргэн тэтимнээхтик айаннаан иһэн, суолтан туораата. Массыына түҥнэстиитигэр 47 саастаах эр киһи миэстэтигэр өллө диэн ГИБДД  биллэрэр.

Суол саахала ыам ыйын 27 күнүгэр киэһэ 22.00 чаас саҕана «Анаабыр» айан суол 348-с км тахсыбыта бэлиэтэннэ. Быһылаан түмүгэр 47 саастаах эр киһи суһал көмө кэлиэр диэри миэстэтигэр өлбүт.

Суол учаастага көнө уонна гравий бүрүөһүннээх диэн ГИБДД чуолкайдаатылар. Саахал тахсыбыт төрүөтүн быһаарарга матырыйааллар ИДьМ Мииринэйдээҕи силиэстийэлиир отделыгар бэрилиннилэр.