Хаартыска: sakha.gov.ru
Анал байыаннай дьайыы бэтэрээнэ Дмитрий Килигин от ыйын 25-29 күннэригэр инбэлииттэр ортолоругар Казаҥҥа ыытыллар идэ маастарыстыбатын чөмпүйэнээтигэр “Массыына өрөмүөнэ уонна хааччыйыыта” компетенцияҕа кыттыаҕа.
Бу туһунан “Аҕа дойдуну көмүскээччилэр” пуонда иһитиннэрэр. 2023 сыл ахсынньыгар Дмитрий кимээччилэр бөлөхтөрүн састаабыгар киирэн, баҕа өттүнэн анал байыаннай дьайыыга аттаммыта. Байыаннай сорудаҕы толоро сылдьан улаханнык бааһырбыта, уһуннук эмтэнэн баран дойдутугар төннүбүтэ.
Дьиэтигэр кэлэн баран, Дмитрий “Аҕа дойдуну көмүскээччилэр” пуондатын филиалыгар тиийбитэ. Онно бэтэрээҥҥэ байыаннай быраастар хамыыһыйаларын ааһарыгар, инбэлиитинэн төлөбүр оҥортороругар, мэдиссиинэ көмөтүнэн хааччылларыгар, ийэтэ санаторнай-курортнай эмтэниини барарыгар көмөлөспүттэр.
Пуонда көмөтүнэн Дмитрий “Сахаэнерго” АУо 4-с эрэсэрээттээх иистэнньэҥинэн киирэн, күн бүгүҥҥэ диэри үлэлии сылдьар.
Дмитрий пуонда филиалыгар кэлэ сырыттаҕына социальнай координатор Евгения Каменяр “Абилимпикс” идэ маастарыстыбатын чөмпүйэнээтигэр холонон көрөрүгэр эппит. Суоппардыы сылдьыбыт уонна тиэхиньикэҕэ үчүгэйдик быһаарсар буолан автосервис хайысхатын талбыт.
Билигин Дмитрий В.М.Членов аатынан Дьокуускайдааҕы индустриальнай-педагогическай кэллиэскэ уһуйааччы Павел Олесов салалтатынан күүскэ бэлэмнэнэр.
“Манна бастакытын холонон эрэбин, бааһырыы да кэнниттэн ситиһии кэлиэн сөбүн итэҕэтэрбэр кыах бэриллэр” – диэн Дмитрий Килигин бэлиэтиир.
Бу туһунан СӨ официальнай иһитиннэрэр порталыгар суруйаллар. Салгыы манна ааҕыҥ.
Сэтинньи 4 күнүгэр, Боҕоруодьусса Казанскай иконатын бырааһынньыктыыр күҥҥэ, Томмот куорат храмын настоятелэ, иерей Вячеслав Канинин…
Өрөспүүбүлүкэ үөрэҕин уонна наукатын миниистирин бастакы солбуйааччы Ньургун Павлов "Якутия24" ханаалга "Актуальное интервью" биэриигэ үөрэх…
Ааспыт ый ортотугар Мэдиссиинискэй реабилитацияҕа уонна спортивнай мэдиссиинэҕэ өрөспүүбүлүкэтээҕи киинин үлэһиттэрэ, тэрилтэлэрин территориятыттан кыракый куттаммыт …
Ааспыт өрөбүллэргэ Госавтоиниспиэксийэ автопатрула "Бүлүү" федеральнай суол кытыытыгар массыына турарын бэлиэтии көрбүттэр. Онно суоппар дьахтар…
Бүгүн, сэтинньи 8 күнүгэр, өрөспүүбүлүкэ баһыйар үгүс өттүгэр хаардыаҕа. Өймөкөөҥҥө сөҥүү түһэрэ күүтүллүбэт. Өлүөнэ аллараа…
Субуота – Сатурн салайар күнэ. Бу планета дьиссипилиинэни, эппиэтинэһи, тутулу уонна бэрээдэги ирдиир. Ол иһин…