Анал байыаннай дьайыы бэтэрээнэ Дьокуускайдааҕы технологическай тиэхиньикум устудьуоннарыгар сэрээккэ ыытта

Анал байыаннай дьайыы бэтэрээнэ Илья Тарасов “Здоровое Отечество” федеральнай бырайыак иитинэн Ю.А.Готовцев аатынан Дьокуускайдааҕы өҥө технологическай тиэхиньикумун устудьуоннарыгар уонна преподавателлэригэр  сэрээккэ ыытта.

“Сарсыарда эрдэ диэн аахсыбакка, чөл олоҕу тутуһалларын көрдөрөн, сэрээккэҕэ 150-тан тахса киһи таҕыста” – диэн устудьуоннарга маассабай сэрээккэни тэрийээччи кэпсиир. – “Здоровое Отечество” Бүтүн Арассыыйатааҕы хамсааһын бырайыага биһиги дойдубутугар улахан суолталаах. Хамсаныы чөл олоҕу олохсутууга, ордук ыччат ортотугар сүҥкэн оруоллаах. Сарсыардааҥҥы тиһигин быспакка оҥоһуллар сэрээккэ күн таһаарыылаах буоларыгар, успуорка да, күннээҕи үлэҕэ-хамнаска даҕаны үрдүк көрдөрүүнү ситиһэргэ көмөлөһөр”.

Бэтэрээн Анал байыаннай дьайыыттан төннүбүттэр пуондаларын филиалыгар баар. Судаарыстыбаннай пуонда өйөбүлүнэн Илья Тарасов өрөспүүбүлүкэ олохтоохторугар успуорду киэҥник тарҕатар. Ол курдук, соторутааҕыта джиу-джитсу (дуо-систем) өрөспүүбүлүкэҕэ бастакы турнирын тэрийбитин, успуорт бу көрүҥүн сэҥээрээччилэр сэргээтилэр. Бэтэрээн сыллата күрэхтэһиини кэҥэтэн, таһымын үрдэтэн инникитин даҕаны бу хайысханы сайыннарар толкуйдаах.

Санатан эттэххэ, “Защитники Отчества” пуонда Арассыыйа Бэрэсидьиэнэ Владимир Путин сорудаҕынан тэриллибитэ. Бу сүрүн соругунан анал байыаннай дьайыы бэтэрээннэрин уонна дьоруойдар дьиэ кэргэттэрин чилиэннэрин биирдиилээн арыаллааһын буолар.  Ити  туһунан Ил Дархан уонна Бырабыыталыстыба пресс-сулууспата суруйар.