Анал байыаннай дьайыы кыттыылааҕа үлэнэн хааччыллыытыгар 1400 миэстэ көрүллүбүт

Саха сиригэр анал байыаннай дьайыы кыттыылаахтарын үлэҕэ ылыан сөптөөх үлэ биэрээччилэр баазалара оҥоһуллар. Билиҥҥитэ тэрилтэлэргэ 1400 үлэ миэстэтин номнуо көрбүттэр. Ити туһунан бүгүҥҥү брифиҥҥэ өрөспүүбүлүкэтээҕи нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлэ  Георгий Борисов иһитиннэрдэ.

“Үлэ биэрээччилэри кытта ситим анал байыаннай дьайыы кыттыылаахтарын уонна кинилэр дьиэ кэргэттэрин үлэнэн хааччыйыыга кубуотаны көрүүнэн эмиэ олохтонор. Быйылгы сылга анал байыаннай дьайыы кыттыылаахтарын уонна кинилэр дьиэ кэргэттэрин дьонун үлэҕэ ылыы кубуотата 885 оробуочай миэстэҕэ 485 тэрилтэҕэ ыйыллыбыта. Бүгүҥҥү туругунан кубуоталаммыт миэстэҕэ 339 киһи үлэҕэ киирдэ” – диэн Георгий Борисов бэлиэтиир.

Өрөспүүбүлүкэҕэ дьарыктаах буолуу сулууспатын уоргана байыаннай дьайыы кыттыылаахтарын, кинилэр дьиэ кэргэн дьонун бастакынан үлэҕэ ылар бэрээдэгэ салгыы үлэлиир. Георгий Борисов иһитиннэрбитинэн, бу сылга сөптөөх үлэни көрдөөн дьарыктаах буолуу кинигэр 130 киһи тиийэ сылдьыбыт, итинтэн 70 киһи — анал байыаннай дьайыы кыттыылааҕа. Билиҥҥитэ байыаннай дьайыы 33 бэтэрээнэ, 31 кинилэр дьиэ кэргэттэрин чилиэнэ үлэнэн хааччыллыбыт, 5 киһи бэйэ дьыалатын тэриммит. Идэҕэ үөрэттэрэ 10 киһини ыыппыттар.

Бу туһунан Ил Дархан уонна Бырабыыталыстыба пресс-сулууспата иһитиннэрэр.