Анал байыаннай дьайыы кыттыылааҕын 2800 кэриҥэ оҕото лааҕырга сынньаныаҕа

Быйыл анал байыаннай дьайыы кыттыылааҕын 2733 оҕотугар сайыҥҥы сынньалаҥы тэрийэр былааннаахтар.

1973 оҕо өрөспүүбүлүкэ муниципальнай лааҕырдарыгар, 200 оҕо судаарыстыбаннай лааҕырдарга сынньаныаҕа. Быһа холуйан 560 оҕо эрэгийиэн тас өттүгэр – Приморскай кыраай чэбдигирдэр лааҕырдарыгар барыаҕа.

“Биһигини көмүскээччилэрбит оҕолоро сайыны туһалаахтык, куттала суохтук атааралларын туһугар кыаллары барытын оҥоробут. Бу, биһиги эбээһинэспит уонна кинилэр дьиэ кэргэттэригэр махталбыт бэлиэтэ буолар” – диэн Үөрэх уонна билим миниистирэ Нюргуна Соколова бэлиэтиир.

Санатан эттэххэ, 2025 сыл сайыҥҥы кэмигэр сынньалаҥ, чэбдигирдии уонна дьарыктаах буолуу көрүҥнэринэн 115 тыһ. тахса үөрэнээччи хабыллыаҕа, бу оскуола үөрэнээччитин уопсай ахсааныттан 75,5 % буолар.

Бу туһунан Ил Дархан уонна Бырабыыталыстыба пресс-сулууспата суруйар.