СИА хаартыската
Саха сиригэр Ил Дархан ыйааҕыгар уонна атын нуорма аахталарыгар олоҕуран, байыаннай сулууспалаахтарга – анал байыаннай дьайыы кыттыылаахтарыгар уонна кинилэр дьиэ кэргэттэригэр аадырыстаах көмөнү оҥоруу үлэтэ салҕанар. Эрэгийиэҥҥэ 28 социальнай өйөбүл көрүҥэ баар, кэмиттэн-кэмигэр саҥаны эбэн иһэллэр, ол иһигэр социальнай тэрилтэ баазатыгар сыһыаннааҕы.
“Анал байыаннай дьайыы кыттыылааҕын 303 төрөппүтэ санаторийга-курорка эмтэнэр көмөнү туһанна. 102 ыалга олорор дьиэни гаастааһыҥҥа үбүнэн көмө оҥоһулунна, 286 киһи байыаннай сулууспалаах эмтэнэ сытар сиригэр барарыгар харчынан көмө көрүлүннэ” – диэн Бырабыыталыстыба бэрэссэдээтэлин солбуйааччы Георгий Степанов иһитиннэрдэ.
Анал байыаннай дьайыы 707 кыттыылааҕа уонна 1015 кинилэр дьиэ кэргэттэрин чилиэннэрэ доруобуйа харыстабылын, социальнай хааччыйыы тэрилтэлэригэр доруобуйаларын чөлүгэр түһэриниини аастылар диэн бэрэссэдээтэли солбуйааччы бэлиэтээтэ.
Саха сиригэр байыаннай дьайыы бэтэрээннэрин үлэҕэ киллэриигэ улахан болҕомто ууруллар. Нэһилиэнньэ дьарыктаах буолуутун кииннэригэр 372 киһи үлэ көрдүү тиийбит, ол иһигэр 133 анал байыаннай дьайыы кыттыылааҕа, 239 байыаннай сулууспалаах дьиэ кэргэнин чилиэнэ. Кинилэртэн 102 киһини үөрэтэ ыыппыттар, 188 киһини үлэнэн хааччыйбыттар.
Вице-премьер РФ Бырабыыталыстыбата 2024 сыл муус устар 11 күнүгэр 460 №-дээх мобилизацияламмыт дьон дьиэ кэргэттэрин өйүүр эбии миэрэлэр тустарынан уурааҕы бигэргэппитин санатта. Ол курдук, туох эрэ төрүөтүнэн тус учуот прибора суох кыбартыыраҕа олорор мобилизацияламмыт дьон дьиэ кэргэттэрэ, бэйэлэрин суох дьоннорун оннуларыгар уу, гаас өҥөтүн төлөбүрүн төлүөхтэрэ суоҕа.
Маннык чэпчэтиини туһанар туһугар, мобилизацияламмыт киһи дьиэ кэргэнэ, Байыаннай комиссариаттан бу киһи чахчы ыҥырыллыбытын туоһулуур докумуону салайар хампаанньаларыгар илдьэллэрэ ирдэнэр.
СӨ Ил Дарханын уонна Бырабыыталыстыбатын пресс-сулууспата.
Өбүгэ саҕаттан норуот төрүт үгэстэрин аныгы кэмҥэ барҕарда сайыннарар Сахабыт сирин иэйиэхсит ийэлэрин "ДАЛБАР ХОТУН”…
Түүн үөһүгэр, 02:24 ч. Мэҥэ Хаҥалас улууһун Павловскай нэһилиэгэр чааһынай дьиэҕэ уот турбутун туһунан Майатааҕы…
Мукучу нэһилиэгэр олунньу 14 күнүгэр Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Кэбээйи улууһугар Олоҥхо сылларыгар…
Олунньу 14-15 күннэригэр Дьокуускай куорат “Модун” спорт уораҕайыгар Гаврил Десяткин - Күүстээх Дэһээккин кэриэһигэр мас…
Байыаннай дьайыыга сырдык олоҕун толук уурбут, Күндэйэ хорсун буойуна Андриан Николаевка аналлаах быыстапкаҕа дьон-сэргэ тоҕуоруһа…
Дьокуускай куорат дьаһалтатын планеркатыгар иһитиннэрбитинэн, олунньу 16 күнүнээҕи туругунан, ОРВИнан уонна гириибинэн сибээстээн Физико-тиэхиньиичэскэй лиссиэй…