Анал байыаннай дьайыы кыттыылаахтара иккис үөрэхтэригэр эмиэ босхо үөрэниэхтэрэ

Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба кинилэр атын идэҕэ эбэтэр исписээлинэскэ үөрэнэллэрин төлүөҕэ. Тустаах сокуон ахсынньы 26 күнүттэн олоххо киирдэ. Бу туһунан Парламентская газета суруйар. 

Арассыыйаҕа биирдэ эрэ орто анал идэҕэ босхо үөрэниэххэ сөп. Өскөтүн талан ылбыт идэлэрин сөбүлээбэккэ саҥа исписээлинэскэ үөрэниэхтэрин баҕардахтарына, бэйэлэрин сиэптэриттэн төлүөхтээхтэр. Ол эрээри, анал байыаннай дьайыы кыттыылаахтарыгар итини суох оҥорбуттар.

Билигин бүддьүөт суотугар иккис идэҕэ үөрэнэр быраабы байыаннай сулууспалаахтар, мобилизованнайдар, баҕа өттүнэн кыттааччылар, быраабы араҥаччылыыр уорган үлэһиттэрэ уонна анал байыаннай дьайыы ыытыллар сиригэр итиэннэ кыраныысса аттынааҕы сирдэргэ сулууспалаах сорудаҕы толорбут дьон ыллылар.

Сокуон ахсынньы 26 күнүттэн олоххо киирэр, онон испииһэккэ хапсар, иккис идэтин ылыан баҕарар дьон кэлэр сыллааҕы тутар хампаанньаҕа докумуонун биэриэн сөп. Бу туһунан Парламентская газета суруйар. Сиһилии манна ааҕыҥ.