Анал байыаннай дьайыыга баҕа өттүнэн кыттааччыларга бэтэрээн статуһун иҥэриэхтэрэ дуо?

Бырабыыталыстыба анал байыаннай эпэрээссийэҕэ баҕа өттүлэринэн кыттааччыларга бойобуой дьайыы бэтэрээнин статуһун иҥэрэр туһунан сокуон барылын өйөөтө, диэн миниистирдэр кэбиниэттэрин пресс-сулууспата иһитиннэрдэ.

“Анал байыаннай дьайыыга баҕа өттүлэринэн кыттааччылар байыаннай сулууспалаахтары тэҥэ бойобуой дьайыылар бэтэрээннэрин статуһун ылыахтара. Бу туһунан сокуон барылын Бырабыыталыстыба өйөөтө”, — диэн иһитиннэриигэ этиллэр.

Дьокутаат Владимир Гутенев бэлэмнээбит “Бэтэрээннэр тустарынан” федеральнай сокуоҥҥа көннөрүүлэри киллэрии туһунан этиллэр. Бу көннөрүүлэр 2022 сыл олунньу 24 күнүттэн анал байыаннай дьайыы соруктарын толорууга баҕа өттүлэринэн кыттар дьоҥҥо бойобуой дьайыылар бэтэрээннэрин статуһун иҥэрэр туһунан көрөр. Быстах эпэрээссийэҕэ сылдьан эчэйбит эмиэ бойобуой дьайыы инбэлиитин статуһун ылар кыахтаах.

“Киллэриллэр быһаарыылар баҕа өттүлэринэн кыттааччыларга уонна кинилэр дьиэ кэргэттэригэр Арассыыйа Сэбилэниилээх күүстэрин байыаннай сулууспалаахтарын сэргэ сокуонунан олохтоммут чэпчэтиилэринэн уонна социальнай өйөбүл миэрэлэринэн туһанарга көмөлөһүөхтэрэ”, — диэн миниистирдэр кэбиниэттэригэр бэлиэтээтилэр.

Сокуон бырайыага Бырабыыталыстыба сокуон бырайыагын бэлэмниир хамыыһыйатын мунньаҕар көрүлүннэ диэн эбэн эттилэр.