Анал байыаннай дьайыыга сылдьар уолаттарбытыгар — Саҥа дьыллааҕы бэлэх

Анал байыаннай дьайыыга  Саха сириттэн сылдьар байыастарга Тирэх пууннар нөҥүө 14 тоннаттан тахса Саҥа дьыллааҕы бородуукта нобуора тиийдэ.

Бэҕэһээ баһыылкалар Донецкай Өрөспүүбүлүкэҕэ баар тирэх пууннарга араарыллан ыытылыннылар.
Бу күннэргэ өрөспүүбүлүкэ бэрэстэбиитэллэрэ биһиги уолаттарбыт сылдьар байыаннай дьайыылар лииньийэлэригэр баар быстах пууннарга бырааһынньыктааҕы нобуордары тиксэриэхтэрэ.

«Саха сириттэн сылдьар байыаннайдарбыт бырааһынньыктааҕы нобуордары туттахтарына астыныахтара дии саныыбын. Билигин бу илдьээри турабыт», – диэн Донецкайдааҕы тирэх пуун бэрэстэбиитэлэ санаатын үллэһиннэ.
Бу нобуорга Саха сиригэр оҥоһуллубут чэй, барыанньа, мүөт, убаһа уонна ынах этиттэн кэнсиэрбэ, сыыр уонна минньигэс ас киирэр.