Саха сирин Бастайааннай бэрэстэбиитэлистибэтигэр анал байыаннай эпэрээссийэ дьоруойдарыгар наҕараадалары туттардылар.
Москваҕа Саха сирин Бастайааннай бэрэстэбиитэлистибэтигэр Аҕа дойду Дьоруойдарын күнүн көрсө “Боотур” этэрээт – анал байыаннай эпэрээссийэ кыттыылаахтарыгар наҕараадалары туттардылар. Дойдулаахтарын кытта СӨ бастайааннай бэрэстэбиитэлэ, Биир кэлим сүрүннүүр киини салайар Андрей Федотов көрүстэ.
Байыаннай ытык иэһи толорууга хорсун-хоодуот быһыыларын бэлиэтээн туран, “Боотур” этэрээт хамандыырыгар Александр Колесовка уонна доброволец разведчикка Илья Делиграсовка “Саха АССР 100 сыла” үбүлүөйдээх бэлиэлэр туттарылыннылар.
Кинилэри кытта бииргэ сулууспалаабыт связист Георгий Федоров бу бэлиэни Ил Дархан Айсен Николаевтан Вишневскай аатынан госпитальга сытан ылбыта. Бастайааннай бэрэстэбиитэлистибэҕэ Георгий Федоров Сэбиэскэй Сойуус Дьоруойа Федор Попов аатынан “Патриот сүрэҕэ” диэн бочуоттаах бэлиэнэн наҕараадаланна, ону сэргэ, “Доброволец Донбасса” түөскэ кэтэр бэлиэни тутта.
Андрей Федотов СӨ Ил Дарханын быһаарыытынан бастайааннай бэрэстэбиитэлистибэ баазатыгар тэриллибит Биир кэлим сүрүннүүр киин үлэлээбитэ номнуо икки ый кэриҥэ буолбутун бэлиэтиир.
«Боотур» этэрээт байыастарын аатыттан Александр Колесов тыл эттэ.
«Биһиги уопсастыбабыт хаһааҥҥытааҕар да сомоҕолосто. Дойдулаахтарбыт, Саха сирин салалтатын өйөбүлүн билэбит. Өрөспүүбүлүкэттэн массыынаҕа тиийэ, дьахталлар күннээҕи наадалаах малы-салы кытары ыыталларын эмиэ билэбит. Бу барыта биһиэхэ тирэх буолар», — диэн этэр «Боотур» этэрээт хамандыыра.
Хаартыскалар РФ Бэрэсидьиэнигэр СӨ Бастайааннай бэрэстэбиитэлистибэтиттэн
Сылы эргиччи үлэлиир, араас хайысхалаах элбэх үлэни ис сүрэхтэриттэн баҕаран тураннар толорор дьоҥҥо түбүктэрэ өссө…
Бүгүн Орджоникидзе болуоссатыгар Улуу Кыайыы 80 сылыгар анаммыт И.Ф. Дьячковскай аатынан Ис дьыала министиэристибэтин түмэлэ…
Бу иннинэ саайтка Г.Н. Васильев “Сыма уонна атын астар” кинигэтиттэн мээкиндэни хайдах бэлэмниир туһунан быһа…
Дьокуускайга Пушкин уулуссатыгар турар дьиэ Кыайыы күнүн көрсө киэркэйдэ, тубуста. Бу дьиэ үлэҕэ киирбитэ балачча…
Бүгүн Доҕордоһуу болуоссатыттан Орджоникидзе болуоссакка тиийэ оскуола оҕолоро, устудьуоннар, үлэ кэлэктииптэрэ, бэтэрээннэр түмсүүлэрэ, үҥкүү ансаабыллара…
Улуу Кыайыы 80 сылыгар ананар Бүтүн Арассыыйатааҕы "Кыайыы түннүктэрэ" аахсыйаҕа биһиги нэһилиэкпит тэрээһиннээхтик кыттар. Маныаха…