Мария Васильева хаартыската, ЯСИА.
От ыйын 26 күнүттэн Суол быраабылаларын саҥа уларыйыылара күүстэригэр киирэллэр. Ол курдук, анал бэлиэлээх массыына чугаһаатаҕына, суоппардар аны аттынааҕы эрээккэ эбэтэр суол кытыытыгар көһөн биэриэхтээхтэр.
Анал тырааныспары кытта биир эрээккэ тэҥник айанныыр бобуллар. Бастакытын анал дьүһүннээх-ойуулаах бэлиэтэ суох массыынаны (оннук массыынанан үксүн салайааччылары таһаллар) инники ыытар эбээһинэс киллэрилиннэ. Сокуону кэһии иһин ыстарааптар билиҥҥитэ уруккуларынан хаалаллар (7,5 тыһ. солк. диэри), ол эрээри чугастааҕы кэмҥэ үрдүүрэ сабаҕаланар. РФ Административнай быраабы кэһии Кодексатыгар сөптөөх уларытыылары Федерация Сэбиэтэ бигэргэппитэ.
Суол быраабылатыгар киирэр уларытыыларынан, анал умайар-күлүмнүүр уонна тыастаах бэлиэлэрдээх холбонуулаах тырааныспар чугаһаатаҕына, суоппардар хайдах туттуохтаахтарын-хаптыахтаахтарын туһунан сыһыаннаахтар. Бу кэмҥэ диэри быраабылаҕа оннук массыыналарга «суолу туоран биэрэр» эбээһинэс сиһилии быһаарыыта суох сурулла сылдьыбыта. Билигин быраабыла сөптөөх пуунугар суоппар мигалкалаах массыына айанныырын хааччыйар туһуттан «атын эрээккэ көһөн, суол барар-кэлэр чааһын босхолуохтаах» эбэтэр «атын маневры оҥоруохтаах» диэн эбии уларытыы ккиирдэ. Бастакытын оннук массыыналары ситэн ааһар (ол аата, аттынааҕы эрээтинэн биир хайысхаҕа кинилэрдээҕэр түргэнник айанныыр) уонна аттынааҕы эрээттэринэн кинилэр түргэннэринэн айанныыр бобуллар. Аны анал дьүһүннээх-ойуулаах бэлиэтэ суох массыыналарга (оннуктарга үксүн салайааччылары таһаллар), ону таһынан, иннигэр мигалкалаах массыына баар буоллаҕына, арыаллыыр холуоннаҕа баран иһэр массыыналарга суолу туораан биэриэххэ наада. Холбонуулаах мигалкалаах уонна анал бэлиэлээх массыынаҕа суолу туораан биэрбэт буолуу иһин 500 солк. ыстараап көрүллэр.
Ааспыт суукка иһигэр Дьокуускай куоракка биэс суол быһылаана таҕыста. Бу туһунан ГАИ пресс-сулууспата иһитиннэрэр. Туманнаах,…
РФ Бэрэсидьиэнин наҕараадалааһын туһунан дьаһала Үлэҕэ ситиһиилэрин уонна уһун сыллаах үлэлэрин иһин РФ Бэрэсидьиэнин Махтала…
Былырыын 2024 сыллаахха рекорду олохтообут 752 тыһ. кв.м. олорор дьиэ тутуллубута, онон Ил Дархан былырыын…
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа эпиири ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…