Анал этии: 36 сүбэдэй-педагогка — Ил Дархан бириэмийэтэ

Дойду бэрэсидьиэнэ кэлэр 2023 сылы Педагог уонна сүбэдэй (настаабынньык) сылынан биллэрбитэ. Манан сибээстээн үөрэх эйгэтигэр, учууталларга улахан болҕомто ууруллар. Ил Дархан Айсен Николаев Ил Түмэҥҥэ Анал этиитигэр тустаах боппуруоска санаатын тиэртэ.

Ил Дархан Айсен Николаев: «Дойду инникитэ — педагогтар илиилэригэр. Үүнэр көлүөнэни үөрэтиигэ, иитиигэ саҥа кэрдиискэ тахсарга биһиэхэ элбэх холобур баар — үгэстэрбит, уопуппут, педагогтар маастарыстыбалара, саамай сүрүнэ, үөрэҕи сыаналааһын. 2023 сыл дойдуга Педагог уонна сүбэдэй сылынан биллэриллибитэ. Судаарыстыба быһылыгын бу быһаарыытыгар педагогу үрдүктүк тутуу, дойду үөрэҕин утумнааһын, үгэс көстөр. Бэрэсидьиэн биллэрбит сылын өйөөн, 36 сүбэдэй-педагогка (наставникка) 100-түү тыһ. солк. СӨ Ил Дарханын бириэмийэтин олохтуубун. Кинилэри уопсастыбаҕа өҥөлөрүн бэлиэтээн, улуус уонна куорат олохтоохторо талыахтара», — диэн иһитиннэрдэ.