Андрей Сорокин хаартыската, СИА.
Бүгүн, ахсынньы 22 күнүгэр, үгэс буолбут Саха Өрөспүүбүлүкэтин Ил Дархана Айсен Николаев Ил Түмэҥҥэ Анал этиитигэр Саха Өрөспүүбүлүкэтин иннигэр турар сүрүн соруктар, социальнай-экэнэмиичэскэй сайдыытын уонна анал байыаннай дьайыыга өйөбүл дьаһаллар тустарынан кэпсээтэ.
«Анал этиилээх тахсарбар өрөспүүбүлүкэбитинэн, Сахабыт сирин олохтоохторунан, кыайыыларбытынан уонна ситиһиилэрбитинэн киэн туттарбын этэбин. Биһиги бүгүн байыаннай дьайыы кэмигэр олоробут. Манна биһиги ортобутугар байыаннай дьайыы кыттыылаахтара кэлэн олороллор. Биһиги байыастарбыт байыаннай дьайыыга дойдуларын туһугар ытык иэстэрин чиэстээхтик толоро сылдьаллар. Байыастарбытыгар уонна Арассыыйа Дьоруойдара буолбут чулуу уолаттарбытыгар махтанабыт уонна сүгүрүйэбит», — диэтэ Айсен Николаев.
Ил Дархан киирии тылыгар байыаннай дьайыы кыттыылаахтарыгар уонна дьоруойдуу өлбүт буойуттарбытыгар, сэрии хонуутугар олоҕун толук уурбут Арассыыйа Дьоруойа Дмитрий Егоров сырдык кэриэһигэр кутурҕан мүнүүтэтин биллэрдэ.
Тэрээһиҥҥэ Ил Түмэн норуодунай дьокутааттара, Бырабыыталыстыба чилиэннэрэ, муниципалитеттар баһылыктара, тэрилтэлэр салайааччылара кыттыахтара. Ону таһынан Саха сириттэн Федерация Сэбиэтин уонна СӨ Борокуратууратын бэрэстэбиитэллэрэ, Саха сириттэн Судаарыстыбаннай Дуума дьокутааттара, сенатордара, федеральнай ситэриилээх былаас салайааччылара, суруналыыстар уонна уопсастыбанньыктар кытталлара былааннанар.
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…
Кэмпэндээйигэ "Сир уустара" төгүрүк сыл үлэлиир киин оҕолору араас хайысханан сайыннарар. Бу сайын Саха сирин…