Бүгүн Ил Дархан Айсен Николаев Анал этиитигэр “Дьоҕус урбаан эйгэтигэр креативнай индустрия биллэр дьайыылаах эйгэ буолла, бу хайысхаҕа бүгүн хайыы үйэ 45 тыһыынча киһи үлэлиир” диэн эттэ.
Айар дьоҕурдаах дьон үлэлииллэрин туһугар кинилэргэ сөптөөх усулуобуйаны тэрийии олус суолталааҕын Ил Дархан тоһоҕолоон эттэ. “Ону ситиһэр туһугар биһиги оҕолору цифровой билиигэ угуйар кииннэри арыйабыт, талааннаах, дьоҕурдаах дьону кытта үлэни күүһүрдэбит. Айар үлэ өттүгэр сайдыыны көҕүлүүргэ сокуон өттүттэн өйөбүл баар буолуохтаах. Ол иһин мин норуот дьокутааттарыгар “Национальнай кинематография” туһунан сокуону өйөөбүттэрин иһин махталбын тиэрдэбин.
Бэрэсидьиэн Уһук Илин эрэгийиэнигэр боломуочуйалаах бэрэстэбиитэлэ Юрий Петрович Трутнев өйөбүлүнэн айар үлэни өйүүр инфрастуктура тутуутугар улахан хардыы оҥоһулунна – «Үлэ кыбартаала” креативнай кластер туттубут. 14 тыһ. кв. м. иэннээх сиргэ киинэ, анимация, медиа, дизайн эйгэтигэр сыһыаннаах табаары оҥорууга бары усулуобуйа тэрилиннэ. Бу күҥҥэ ити кластерга 70 резидены кытта дуогабар түһэрсилиннэ, аныгыскы сыл бу сыыппара икки төгүл элбиирин күүтэбит”.
Айсен Николаев Саха сирин дьоно айар дьоҕурдара дойду үрдүнэн үрдүктүк сыаналанарын бэлиэтээн эттэ:
— Биһиги өрөспүүбүлүкэбит ситиһиилэрэ Арасссыыйа таһымыгар бэлиэтэнэрин куруутун ис санаабыттан киэн тутта ылынабын. Ахсынньы 1 күнүгэр Саха сирэ Russian Creative Awards күрэскэ «Сыл саамай креативнай эрэгийиэнэ» аатын сүктэ. Бу биһиги өрөспүүбүлүкэбит олохтоохторун талааннарын, айар дьоҕурдарын, дьоҥҥо-сэргэҕэ үөрүүнү аҕаларга дьулуурдарын үрдүктүк сыаналааһынынан ааҕабын. Уонна, биллэн турар, бу наҕараада Саха сирин дьоно саҥа, креативнай индустрияны олохтуурга үрдүк кыахтаахтарын билинии буолар.
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…