Саха сиригэр тырааныспар салаатын, суол хаһаайыстыбатын сайыннарыыга кэлиҥҥи кэмҥэ былааннаах үлэ ыытылларын Ил Дархан Айсен Николаев Ил Түмэҥҥэ анал этиитигэр иһитиннэрдэ.
«2018 сылтан 2,5 тыһыынча килэмиэтир кэриҥэ суол уонна 47 муоста тутулунна. Бу сылга эмиэ күргүөмнээх үлэ ыытыллан, рекорд олохтонон, 582 км суол уонна 7 муоста тутуллан үлэҕэ киллэрилиннэ. Күүтүүлээх-кэтэһиилээх «Халыма» суол Аллараа Бэстээхтэн Чурапчыга диэри учаастага аспаалланан, бу эҥэр олорооччулар остуол ньуурунуу көнө суолунан айанныыр кыахтаннылар. Бу улахан ситиһии. Өрөспүүбүлүкэҕэ бастакытын түөрт балаһалаах суол Дьокуускай — Нам хайысхатын учаастагар тутулунна.
Дьокуускайга уонна муниципальнай маршруттарга анаан 100 оптуобус атыылаһыллыбытын бэлиэтээн этэр наадалаах. Саҥа оптуобустар урукку тиэхиньикэни солбуйдулар.
Салгын тырааныспарынан пассажирдары таһыы боппуруоһа сытыытык турар. Үөскээбит кыһалҕаны быһаарар инниттэн Дьокуускайтан 14 арктическай бөһүөлэктэргэ субсидиялаах көтүү үбүлээһинэ 10 төгүл үрдээн, 600 мөл. солк. тиийдэ. Тимир суол Аллараа Бэстээххэ кэлиэҕиттэн туһааннаах салааҕа сэргэхсийии таҕыста. Быйылгыттан Аллараа Бэстээхтэн Владивостокка, Иркутскайга, Благовещенскайга диэри 20 тыһыынча пассажир айаннаата», — диэн Айсен Сергеевич бэлиэтээн эттэ.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…