Хаартыска: PxHere
Арассыыйа анал сулууспалара дьон тус дааннайдарын хомуйар уонна булан биэрэр саамай бөдөҥ телеграм-боту — «Глаз Бога» сервиһи үлэтин тохтоторго ылыстылар.
Бот ааптара Евгений Антипов бу үлэни Арассыыйаҕа бастакытын РФ Холуобунай кодексатын 272.1 ыстатыйанан тэриллибит холуобунай дьыаланы кытта сибээстиирин биллэрдэ. Бу ыстатыйа Арассыыйа олохтоохторун тус дааннайдарын сокуона суох хомуйуу уонна харайыы иһин, ону таһынан ол дааннайдарга олоҕуран тус информацияны тарҕатар ресурстары оҥоруу иһин эппиэтинэһи олохтуур.
Санаттахха, 2020 сыл саҕаланыаҕыттан телеграмҥа кыра төлөбүргэ ханнык баҕарар Арассыыйа олохтооҕун туһунан тус дааннайдарын (пааспар дааннайдарыттан саҕалаан, төлөппүөн нүөмэригэр, массыынатыгар, социальнай ситимнэригэр тиийэ) хомуйан тарҕатар боттар маассабайдык баар буолан барбыттара. Өссө биир сыл анараа өттүгэр маннык сервистэринэн сүрүннээн анал сулууспалар уонна «даркнет» уопуттаах исписэлиистэрэ туһаналлар эбит. Оттон билигин ким баҕалаах барыта аҕыйах сөкүүндэ иһигэр дьиэ кэргэнин, салайааччытын эбэтэр доҕорун туһунан сиһилии информацияны ылар кыахтаммыта. Бу сервистэр тэнийиилэрэ түргэнник үрдээн, дойду былаастарын дьиксиннэрбитэ чуолкай. Ол курдук, өссө 2021 сыл тохсунньутугар Роскомнадзор телеграмтан тус дааннайы тарҕатарын тохтоторун ирдээбитэ. Ол да буоллар, боттар үлэлэрин салҕаан испиттэрэ.
Ол курдук, билигин Саха сиригэр бобуллубут социальнай ситимнэргэ сорох урбаанньыттар ити сервиһи аралдьытар сыалга кистээн туһанар буолбуттара көстөр. Бу дьон бэйэ-бэйэлэрин тустарынан информацияны хомуйан, күлүү-элэк гынан тарҕаталлар. Билигин бу сервис үлэтэ тохтору былаанныыллар.
ИДьМ «Дьокуускайдааҕы» 4 №-дээх полиция отделын холуобунай ирдэбил оперативниктара суһал-көрдүүр тэрээһиннэрин кэмигэр, Дьокуускай куорат Поярков…
Дмитрий Пономарев-Дьолуолаах “Ньырбакаанын” эйгэтиттэн саҥа тахса сатыы сырыттахпына, аны Василий Гоголев-Уйулҕан “Хамначчыт кыыс дьылҕата” диэн…
Үөһээ Бүлүү улууһун баһылыга Валерий Николаев бэйэтин ТГ-ханаалыгар Төрүт сокуоҥҥа киирбит уларытыылар ис хоһооннорун толору…
Дьокуускай куорат суута элбэх кыбартыыралаах дьиэни тутан бүтэрэр болдьоҕу хойутаппытын иһин тутааччыны дуогабар сууматын төнүннэрэргэ…
Байыаннай-мэдиссиинискэй хамыыһыйаны байыаннай сулууспалаах уоппускаҕа сылдьар сиригэр быһаччы барыан сөп. Бу туһунан бүгүн нэдиэлэ аайы…
СӨ Бырабыыталыстыбата 2026 сылга өрөспүүбүлүкэ сүрүн социальнай-демографическай бөлөхтөрүнэн биир киһиэхэ ааҕыынан тиийинэн олоруу алын кээмэйин…