«Үлэ бириэмэтигэр уларыйыылар киирэн, бэбиэскэ туппут ураты усулуобуйалаах дьону өйдөөн, түүннэри да кэлэн үлэлээн, судаарыстыбаннай аакталары толорбут күннэрдээхпит. Билигин биһиги бүттүүммүт баҕабыт биир – байыаннай дьайыы түмүктэнэн, биир дойдулаахтарбыт дьиэлэригэр этэҥҥэ төннүүлэрэ», — диир Саха Өрөспүүбүлүкэтин бырабыыталыстыбатын иһинэн Гражданнар туруктарын аактарын суруйар управление Бүлүү улууһунааҕы отделын исписэлииһэ Анастасия Иванова:
— Анал байыаннай дьайыы биллэриллибитэ номнуо хаһыс да ыйыгар барда. Ыал буолан холбоһууга, оҕо аҕатынан билиниигэ Бүлүү улууһугар хомуур бастакы күннэриттэн элбэх сайабылыанньа киирбитэ. Үлэ бириэмэтигэр уларыйыылар киирэн, бэбиэскэ туппут ураты усулуобуйалаах дьону өйдөөн, түүннэри кэлэн үлэлээн, судаарыстыбаннай аакталары толорбут күннэрдээхпит. Дьоммут баҕатын өйүүр туһугар бу маннык дьаһаллар ылыллыбыттарын өйдүүр буолан, биир санаанан, биир соругунан үлэлээтибит, үлэлии олоробут. Быстах ыҥырыынан барбыт саллааттар дьиэ кэргэттэрэ социальнай өттүнэн көмүскэллээх буолалларын туһугар бу үлэлэр бараллар.
Ааспыт сыл бүтэһик күннэригэр диэри байыаннай сулууспалаахтар дьиэ кэргэттэригэр судаарыстыбаттан көрүллэр материальнай көмөлөрү түргэнник ылалларыгар диэн Үлэ министиэристибэтин элбэх ыйытыктарыгар күнүнэн эппиэттэри эмиэ өрөбүлү аахсыбакка, биэрэ олоробут. Бу көмөнү сокуонунан холбоһон ыал буолан олорор кэргэнэ уонна төрөппүт оҕолоро (сокуоннай саастарын сиппит оҕолор эмиэ киирсэллэр) итиэннэ кэргэнэ суох сулумах киһи сулууспаҕа барбыт буоллаҕына, кини төрөппүттэрэ, бииргэ төрөөбүттэрэ туһаныахтарын сөп.
Аны, түүн иһигэр суһаллык хомунан барбыт уолаттар чугас дьонноругар туох да дэбиэрэннэс да, докумуон да оҥоһуллубатах этэ. Оттон аныгы кэмҥэ, бигэргэммит кумааҕыта суох киһи тугу да сатаан дьаһаммат. Маннык түгэннэргэ биһиги, ЗАГСа үлэһиттэрэ, дьоммутугар бэйэбит үлэбитигэр сыһыаннаах боппуруостарга юридическэй консультациялары оҥоробут. Өрөспүүбүлүкэ үрдүнэн ыытыллар «Үтүө санаа харыйата» үгэскэ кубулуйбут аахсыйаҕа улууспутугар биһиги отделбыт кыттан, анал байыаннай дьайыыга сылдьааччы оҕотугар бэлэх оҥорон туттардыбыт.
Билигин биһиги бүттүүммүт баҕабыт биир – биир дойдулаахтарбыт дьиэлэригэр этэҥҥэ төннүүлэрэ.
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…
Саха сиригэр ойуур баһаардарын умуруорууга 154 исписэлиис үлэлиир диэн суһал ыстаап иһитиннэрэр. Суукка иһигэр барыта…