Хаартыска: СИА.
Федеральнай ТНТ ханаалга «Новая фабрика звезд» биэриигэ саха кыыһа Анастасия Ким ситиһиилээхтик кытта сылдьар. Кини ааспыт баскыһыаннаҕа төрдүс биэриигэ кыттан, төрдүс ырыатын ыллаата. Анастасия Sevak диэн Армения биллэр ырыаһытын кытта «Жди меня там» диэн олус иэйиилээх ырыаны толордулар.
Бу иннинэ бастакы биэриигэ Ева Власованы кытта «Танцуй вопреки» ырыаны, иккис биэриигэ Сергей Шнуровы кытта «Экспонат» ырыаны, үһүс биэриигэ рэпер, Саха сириттэн төрүттээх Леван Горозияны кытта «Якутяночка моя» ырыаны толорбута. Көрөөччүлэр Анастасия ырыатын сылаастык ылыналлар. Дьүүллүүр сүбэҕэ Арассыыйа эстрадатын биллэр ырыаһыттара Сергей Жуков, Сергей Лазарев, Сергей Шнуров, уо.д.а. бааллар.
Саха кыыһа мөлүйүөнүнэн көрөөччүлээх федеральнай ханаалга кыттыыта Саха сирин туһунан сырдатыы, таһаарыы буолар.
Анастасия 21 саастаах, Москваҕа РАНХИГС университетын устудьуоҥката. Кини чахчы оскуолаҕа да ыллаабатах киһи, кастинг биллэрбиттэригэр, анкета толорон, ыллыырын устан баран, ыыппыт. ТНТ менеджерэ эрийбитигэр, кыыс соһуйан хаалбыт.
Кыыс кыра эрдэҕиттэн ыра санаалаах эбит, ийэтигэр: «Мин биллэр киһи буолуоҕум, тэлэбииһэргэ көстүөҕүм», — диир эбит. «Билигин да итэҕэйэ иликпин, туох эрэ улахан, үчүгэй саҕаланан эрэрин сэрэйэбин», — диэн Анастасия этэр. Кини биллэр юрист Александр Ким-Кимэн сиэнэ буолар.
Санатар буоллахха, «Фабрика звезд» бырайыактан элбэх биллэр ырыаһыттар, артыыстар тахсыбыттара. Өр кэмҥэ тохтуу сылдьыбытын кэнниттэн, биэриини саҥаттан таһаарарга быһаарбыттар. Бу эдэр артыыстар дьоҥҥо биллэр-көстөр буолалларыгар, карьераларын саҕалыылларыгар далаһа буолар.
2024 сыл 11 ыйын түмүгүнэн Саха сиригэр 45 мөлүйүөн туонна чох хостоммут. Бу былырыыҥҥы көрдөрүүттэн…
"Ретрограднай" Меркурий "төттөрү" барыыта бүтэрэ 3 хонук хаалла. Сэтинньи 26 күнүттэн ахсынньы 15 күнүгэр диэри…
Тулагы сэлиэнньэтигэр биллибэт суоппар массыынатын суулларбыт уонна саахал миэстэтиттэн куоппут. Бу туһунан Дьокуускайдааҕы Госавтоинспекция иһитиннэрэр.…
Ахсынньы тымныытын аахсыбакка, Саҥа дьылы көрсө Үөһээ Бүлүүгэ георгин сибэкки тыллан хараҕы үөрдэр, сайыны чугаһатар.…
Бүгүн, ахсынньы 12 күнүгэр, Нам улууһун Остуолба, Таатта улууһун Булуҥ уонна Томтор, Уус Алдан улууһун…
Бүгүҥҥүттэн, ахсынньы 12 күнүттэн, РФ Конституциятын күнүгэр Дьокуускайга «Объединяя лучшее - быть первым!» диэн ааттаах…