Анастасия Примак: «Нэһилиэк олохтоохторо, дьаһалта хайдах көмө наадатынан көмөлөһөр»

Ленскэй улууһун Мурбайа нэһилиэгин дьаһалтатын баһылыгын солбуйааччыта Анастасия Примак байыаннай дьайыыга кытта сылдьар моблизациянан уонна бэйэ баҕатынан барбыт дьон дьиэ кэргэнигэр көмө туһунан кэпсиир:

— Биһиги Мурбайа нэһилиэгин Хотугу Ньүүйэ сэлиэнньэтиттэн байыаннай дьайыыга мобилизацияланан түөрт киһи ыҥырыллыбыта. Ол кэнниттэн бэйэлэрин баҕаларынан өссө икки киһи барбыта. Онон Хотугу Ньүүйэ уонна Дорожнай сэлиэнньэлэриттэн барыта алта киһи байыаннай дьайыыга кытта сылдьар.

Бүгүҥҥү туругунан нэһилиэк дьаһалтатыгар байыаннай дьайыыга мобилизациянан ыҥырыллан биир уолбут ийэтиттэн сайаапка киирбитэ. Уол ийэтэ сылгыларын аһатарыгар от атыылаһарга үп көрдөөбүтэ. Үбүнэн көмөлөһүү тыа нэһилиэгин боломуочуйатыгар кирбэт буолан, нэһилиэнньэттэн хомуйбуппут. Барыта 46300 солк. харчы хомуллан, байыаннай сулууспалаах ийэтигэр сылгыларыгар от атыылаһарыгар туттарыллыбыта. Ону сэргэ «Ленский порыв» волонтердар уопсастыбаннай хамсааһыннарын нөҥүө бүддьүөт үлэһиттэриттэн 6000 солк. хомуллан эмиэ тиэрдиллибитэ.

Байыаннай дьайыыга сылдьар биир дойдулаахтарбытыгар уонна кинилэр дьиэ кэргэттэригэр нэһилиэк олохтоохторо, дьаһалта хайдах көмө наадатынан, сайаапканан көмөлөһөр.