Анастасия Самсонова: «Дойдубут социальнай-экэнэмиичэскэй сайдыыта  бигэтик бөҕөргөөтө»

Өрөспүүбүлүкэтээҕи култуура үлэһиттэрин  идэлээх сойуустарын салайааччыта, СӨ култууратын үтүөлээх үлэһитэ Анстасия Самсонова РФ Бэрэсидьиэнин быыбарыгар хандьыдаат Владимир Путины тоҕо өйүүрүн биллэрдэ.

— Бары да ыһыллыы-тоҕуллуу кэнниттэн уустук балаһыанньалаах дойдубут Владимир Путин салайыаҕыттан  хайдахтаах курдук көнөр суолга туруммутун өйдүүбүт. Дойдубут социальнай-экэнэмиичэскэй сайдыыта  бигэтик бөҕөргөөтө. Дойду Аҕа баһылыга көҕүлүүр национальнай бырайыактара бары хайысханы хабан — доруобуйаттан, үөрэхтэн саҕалаан, суолу оҥорууга тиийэ тустаах барыл быһыытынан хас да сылы быһа ыытыллан, кэскиллээх саҕахтар салаллар. Кини бүтүн Арассыыйа бөҕөргүүрүн туһугар үлэлэһэр, — диэн санаатын тиэртэ Анастасия Самсонова.