Сайаана Львова хаартыската
«Азия оҕолоро» норуоттар икки ардыларынааҕы оонньууларга Саха сирэ икки хамаанданан кыттар.
Чэпчэки атлетикаҕа эстафетаҕа бэҕэһээ кыргыттар хамаандалара, бүгүн уолаттар хамаандалара фальстарт оҥорон туораабыттара. Бүгүн эстафета кыттыылааҕа Анастасия Жиркова хайдах кыттыбытын туһунан бу курдук кэпсээтэ:
— Мин 13 саастаахпын. «Азия оҕолоро» норуоттар икки ардыларынааҕы оонньууларга аан бастаан кыттабын. Саха сирин бастакы хамаандатын састаабыгар баарбын. Бастакы күн 800 м сүүрбүтүм, бүгүн — 4х400 м эстафетаҕа. Эстафетаҕа сүүрэр уустук эбит, иннибэр иһэр кыыһы кытта тэҥҥэ сүүрэ сатаатым даҕаны, кини баһыйда. Ол эрээри, куһаҕана суохтук сүүрдүбүт, уопсай ааҕыыга көрдөрүүбүт үчүгэй. Эстафетаҕа бастакы этапка Карина Зайцева, иккискэ – Полина Пшенникова, үһүскэ – мин, төрдүскэ – Виктория Трифонова кытынныбыт.
«Азия оҕолоро» норуоттар икки ардыларынааҕы оонньуулар элбэх доҕоттору биэрдилэр. Биһиги хамаандабыт куһаҕана суохтук кииристэ. Доҕордоһуу эстафетатыгар кыргыттар үрүҥ көмүс призердарынан буолары ситистилэр. «Азия оҕолоро» — успуорт бырааһынньыга буолар, күрэхтэһиилэри таһынан, элбэх култуурунай, сынньанар тэрээһиннэр ыытыллара олус үчүгэй.
Дьааҥы Табалааҕыттан төрүттээх Дьокуускай куоракка олорор биир дойдулаахтар түмсүүлэрин көхтөөх актыбыыһынан биллэр Елизавета Потапова быйыл…
Бүгүн, от ыйын 5 күнүгэр, хапсаҕайга, курашка, буоксаҕа, волейболга уонна үрдүккэ хатаастан тахсыыга (скалолазание) бастыҥнары…
«Азия оҕолоро» норуоттар икки ардыларынааҕы оонньуулар биир кэрэхсэнэр күрэхтэһиилэринэн хапсаҕайдаһан тустуу буолар. Үгүс киһи аан…
"Азия оҕолоро" оонньууларын кэмигэр хас биирдии күрэхтэһии буолар сирин аттыгар билиэт уонна сувенир атыылыыр, суумкаҕын…
Саха сиригэр ойуур баһаарын умуруорууга 1600 киһи, ол иһигэр анал идэлээх 700 баһаары утары охсуһааччы…
Хапсаҕайга Саха сирин сүүмэрдэммит хамаандата алта мэтээллээх. Итинтэн иккитэ - кыһыл көмүс. Хапсаҕай күрэһэ "Триумф"…