Хаартыска: www.sakha.gov.ru
“Россия – страна возможностей” бэрэсидьиэн платформатыгар киирэр “КАРДО” бириэмийэ-куонкурус гранд-бэстибээлигэр бырайыак 11 хайысхатын кыайыылаахтарын биллэрдилэр. Ону тэҥэ, уулусса култууратын уонна успуордун сайыннарыыга кылааттарын иһин биримиэйэ лауреаттарын итиэннэ видео куонкурус кыайыылаахтарын ааттаталаатылар. Тустаах бириэмийэ уулусса култууратын уонна успуорт эйгэтигэр талааннаах ыччаты өйүүр соруктаах.
Саха сириттэн сылдьар Анатолий Галушкин идэлээх дьон категориятыгар “Трикинг” хайысхаҕа иккис миэстэни ылла. Киниэхэ харчынан бирииһи, бииргэ үлэлэһэр тэрилтэлэртэн бэлэхтэри, ону тэҥэ, КАРДО фирменнэй статуэткатын туттардылар.
Норуоттар икки ардыларынааҕы бириэмийэ-куонкурус сэттис сезона Ставропольга буолла. Гранд-финалга 47 дойдуттан 2500 киһи кытынна. Түмүгү түөрт куонкуруска таһаардылар: күрэхтэһиилэр, видеонан куонкурус, уулусса култууратын уонна успуордун сайыннарыыга кылаатын иһин бириэмийэ, грантовай куонкурус.
“КАРДО” уулусса култууратын уонна успуордун эйгэтигэр норуттар икки ардыларынааҕы аан дойдуга бастакы уонна соҕотох саамай чаҕылхай тэрээһин түмүктэннэ. Түөрт күн устата гранд-финал кыттыылаахтара Ставрополы усксуустуба, айымньы уонна бэйэ көҥүлүн көрдөрүү биир улахан былаһааккатыгар кубулутан ыллылар. Кинилэр төһө даҕаны “КАРДО” араас хайысхаларыгар күрэхтэспиттэрин иһин, бу бэйэ-бэйэни кытта күөн күрэс буолбатах, бу өйөнсүү, атыттар сатабылларын, кыахтарын көрөн хардарыта сөҕүү-махтайыы, үөрэнии буолар. 47 араас дойдуттан кэлбит ыалдьыттар улахан бырааһынньыкка мустан уулусса уонна успуорт биир тылынан өйдөстүлэр, алтыстылар. Кыайыылаахтары эҕэрдэлиибин, салгыы даҕаны бэйэлэрин сатабылларын, билиилэрин сайыннара, уопуттарын атастаһа турдуннар” – диэн «Россия – страна возможностей» тэрилтэ толорооччу дириэктэрэ, “Сенеж” салайар мастарыскыай ректора Андрей Бетин бэлиэтээтэ.
Быйыл онлайн түһүмэххэ 40 тыһ. тахса киһи кытынна, кинилэртэн 30 бастыҥы талбыттара. Салгыы алта киһи хаалан, икки күн устата кыайыы туһугар кииристилэр.
Наҕараадалааһыҥҥа бырайыак 11 хайысхатынан кыайыылаахтары биллэрдилэр: BMX, BREAKING, WORKOUT, GRAFFITI, DJ, PARKOUR, SKATEBOARDING, TRICKING, KICKSCOOTERING, FREERUN, HIP-HOP.
Кыайыылаахтары наҕараадалааһыҥҥа хас биирдии хайысха дьүүллүүр сүбэтэ, тэрийээччилэрэ кытыннылар. Кыайыылаахтар харчынан бириис уонна “КАРДО” норуоттар икки ардыларынааҕы бириэмийэ-куонкурус бииргэ үлэлэһэр тэрилтэлэриттэн бэлэхтэри туттулар. Тэрээһин бирииһин пуондата 5 000 000 солк. тэҥнэһэр.
Гранд-финал туһунан иһитиннэриини уонна “КАРДО” алтыс сезонун түмүгүн официальнай саайтка көрүөххүтүн сөп: https://kardoaward.com/
Нерюнгри куорат борокуратуурата түөрт киһи холуобунай дьыалатынан буруйдуур түмүгү бигэргэттэ. Кинилэр РФ холуобунай кодексатын 159 …
Ханнык баҕарар киһи бу орто дойдуга олоҕо араастык ааһар. Прасковья Осиповна эринээн Бүөтүрдүүн үс оҕону…
Киһи тыҥата 1 чааска ортотунан 5-17 лиитирэ углекислай гааһы, 50 грамм ууну таһаарар. Мүнүүтэҕэ ортотунан…
Сокуоннай сааһын ситэ илик оҕо уопсастыбаннай миэстэҕэ түүннэри сылдьара сэрэхтээх. Киниэхэ бэйэтигэр даҕаны, ону сэргэ…
Уулуссаҕа дьонтон төлөпүөнү, суумканы уоруу, былдьааһын биирдэ эмит тахсар. Биир оннук түбэлтэ Дьокуускайга таҕыста. Полиция…
Киһи сааһыран истэҕин ахсын иммунитет систиэмэтэ уларыйар. Маннык уларыйыыны иммуносенесценция дииллэр. Киһи дьаҥтан, ол-бу ыарыыттан…