Хаартыска: 1sn.ru
«Сунтаар улууһа (оройуона)» муниципальнай оройуон баһылыга Анатолий Григорьев РФ Бэрэсидьиэнэ Федеральнай Мунньахха туһаайыыта сайдыы суолугар, кэнэҕэски олохпут сырдык уонна эйэлээх халлааҥҥа олорорбут туһугар сирдиир диэн бэлиэтээтэ.
— Дойдубут Бэрэсидьиэнэ Владимир Владимирович Путин Федерация Сэбиэтигэр анаммыт быйылгы этиитэ сүрдээх киэҥ хабааннаах, бары салааны барытын таарыйар уонна инники сайдыыбытын 2030 эрэ сылынан буолбакка, өссө даҕаны кэнэҕэски сайдыылары эрэннэрдэ. Кини этиилэрэ мэлдьи олоххо киирэллэр, дойдубут олоҕо кимэн, сайдан иһэр.
«Биһиги — биир улахан дьиэ кэргэн буолабыт, биһиги бары биирбит, ол иһин барытын бэйэбит быһаарабыт, былаанныыбыт уонна баҕа санаабытын толоробут» диэн Владимир Путин эппитэ билиҥҥи бириэмэҕэ өссө ордук сөптөөхтүк иһилиннэ. Тоҕо диэтэххэ, туох баар ыарахаттары уонна бары таһаарыылаах үлэни бары бииргэ эрэ буоллахпытына кыайыахпыт, сайдыахпыт.
Үчүгэйэ диэн, чэпчэтиилээх ипотекалар бырагырааммалара салҕаныа уонна хаарбах туруктаах дьиэлэртэн көһөрөргө саҥа бырагыраамма үлэлээн саҕалыа диэтэ. Ону кытта, саҥа национальнай бырайыактар олоххо киирэллэрин билиһиннэрдэ: «Экономика данных» — бу информационнай технологиялар сайдыыларыгар анаммыт бырайыак, «Семья» — дьиэ кэргэн уонна кырачаан оҕолорбут төрөөһүннэрэ өссө элбэх буоларыгар анаммыт бырайыак буолар, бу иһигэр дьиэнэн хааччыйарга эмиэ болҕомто ууруллар, итилэри кытта өссө «Молодежь» уонна «Продолжительная и активная жизнь» диэн бырайыактар буолаллар. Ити этиллибити кытта холбоон, өссө элбэх дойдубутугар олох тупсарын туһугар уонна дойдубут атын дойдулары кытта үлэлэһиилэрин туһунан чопчу ылыллыбыт былааннары билиһиннэрдэ.
Владимир Путин дойдубут дьылҕата мэктиэлэнэр кэмигэр эппит этиилэрин долгуйа иһиттим уонна мин санаабар, биһиги лидербит сөптөөх суолу талан биһигини, Арассыыйа олохтоохторун, барыбытын сайдыы суолугар сирдээн, кэнэҕэски олохпут сырдык уонна эйэлээх халлааҥҥа олорорбут туһугар санаатын ууран үлэлии сылдьар киһи буоларын өссө төгүл туоһулаата.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…