Анатолий Григорьев: «Кини хорсун-хоодуот, дьоруойдуу быһыыта биһиги үүнэр көлүөнэбитигэр холобурунан буолуоҕа!»
![](https://sakha-sire.ru/wp-content/uploads/2023/08/suntar-7-1-1060x596.jpg)
Бүгүҥҥү күн Сунтаар улууһугар уонна бүттүүн Саха сиригэр историческай күнүнэн буолла. Биһиги биир дойдулаахтарбыт, Саха сирин икки ньургун уолана, байыаннай дьайыыга хорсун, дьоруойдуу быһыыны оҥорон, дойду үрдүкү наҕараадатын – Арассыыйа Дьоруойун аатын ыллылар.
Арассыыйа Дьоруойа Филипп Евсеев биир дойдулаахтарын аатыттан Сунтаар улууһун баһылыга Анатолий Григорьев санаатын үллэстэр:
— Бүгүн биһиги Сунтаарбыт улууһугар уонна Сахабыт сиригэр өрөгөй күнэ тосхойдо. Байыаннай дьайыыга кытта сылдьар икки саха чулуу уола ураты хорсун быһыыны көрдөрбүттэрин иһин дойдубут Бэрэсидьиэнэ Владимир Путин саамай үрдүкү наҕараадатын – Арассыыйа Дьоруойа үрдүк ааты туттарбыт үөрүүлээх күнэ. Биһиги биир дойдулаахпыт Филипп Александрович Евсеевинэн киэн туттабыт. Кини хорсун-хоодуот, дьоруойдуу быһыыта биһиги үүнэр көлүөнэбитигэр холобурунан буолуоҕа.
Евсеевтэр удьуордарын утумнаабыт уоллара Филипп чахчы дьоруойдуу быһыытын дьон-сэргэ, аан дойду барыта көрдө, киэн тутунна, билиннэ. Биһиги ыччаттарбытын кинилэр хорсун быһыыларын холобуругар иитиэхпит. Оттон кини бэйэтин аатын дойду, өрөспүүбүлүкэ, төрөөбүт Сунтаарын улууһун устуоруйатыгар улахан буукубаларынан тистэ.
Биһиги биир дойдулаахпытыгар, чулуу уолбутугар Филипп Александровиһы уонна кини чугас дьонун, аймахтарын ис сүрэхпититтэн маннык кэрэ бэлиэ күнүнэн эҕэрдэлиибит! Уруй-айхал буоллун, биһиги уолбутугар! Уруй-айхал буоллун, дьоруойбутугар!
Сообщить об опечатке
Текст, который будет отправлен нашим редакторам: