Анатолий Николаев: «Силиэстийэ түмүктэниэр диэри тугу да быһаарар кыахпыт суох»

Хотугулуу-Илиҥҥи федеральнай университет пресс-сулууспата иһитиннэрэринэн, эдэр устудьуон өлүүлээх алдьархайга барыллаан чахчылар бааллар.  Ол гынан баран, силиэстийэ дьаһаллара салгыы ыытыллалларынан  сибээстээн,  түмүк оҥорор эрдэ. Үрдүк үөрэх кыһатын ис хамыыһыйата олорор усулуобуйаны, мониторинг систиэмэтин киллэрэн туран, суһал үлэни ыытар. Түмүктэр силиэстиэйэ быһаарбытын кэннэ, сокуон ирдэбиллэригэр сөп түбэһиннэрэн, тустаах бэрээдэгинэн биллэриллиэхтэрэ.

Анатолий Николаев, ХИФУ ректора:

-ХИФУ   өлбүт уол чугас аймахтарыгар уонна дьонноругар кутурҕанын биллэрэр уонна кини дьиэ кэргэнигэр тустаах өйөбүлү  оҥоруоҕа. Билигин университет быраабы араҥаччылыыр уорганнар үлэлэригэр көмөлөһөр. Онон сибээстээн, бигэргэтиллибэтэх иһитиннэриилэри тарҕатартан туттунаргытыгар уонна силиэстиэйэ түмүгүн кэтэһэргитигэр көрдөһөбүт.

Биһиги устудьуоннарбытыгар куттал суох буоларын хааччыйыы университекка олус суолталаах. Биһиги сыл аайы мөккүөрдээх балаһыанньалары сэрэтэргэ уонна уопсай дьиэлэргэ куттала суох эйгэни хааччыйарга дьаһаллары күүһүрдэбит. Ол иһигэр устудьуоннары кытары кэпсэтэбит уонна преподавателлар састааптарын кытары үлэлэһэбит.

Уопсайга киирэллэригэр хас биирдиилэрин, ол иһигэр устудьуоннары кытары,  тус кэпсэтэбит, уопсайга олоруу быраабылаларын тутуһалларыгар, мөккүөрдээх түбэлтэлэри таһаарбаттарыгар дуогабар түһэрсэбит уо.д.а. ХИФУ  уопсайдарыгар бэрээдэги суукканы быһа хонтуруоллууллар, харабыл баар.

Силиэстийэ түмүктэниэр диэри университет тугу да быһаарар, ырытар кыаҕа суоҕун өйдүүргүтүгэр көрдөһөбүт.

ХИФУ пресс-сулууспата