Хаартыска: Нам улууһун дьаһалтатын пресс-сулууспатыттан
Нам улууһугар национальнай бырайыактар чэрчилэринэн кэнники сылларга, хас да социальнай суолталаах эбийиэктэр тутуллан үлэҕэ киирдилэр.
Ол курдук 220 миэстэлээх оскуола, 50 миэстэлээх интэринээт-оскуола, култуура уонна духуобунай сайдыы дыбарыаһа, култуура кииннэрэ, оҕо уһуйаана, о.д.а. тутуллан тыа сирин дьоно-сэргэтэ сэргэхсийдэ.
Бүгүн бу туһунан Нам улууһун баһылыгын э.т. Анатолий Павлов санаатын үллэстэр:
— Кэлиҥҥи сылларга Нам улууһугар тутуу үлэтэ тэтимнээхтик ыытыллан, дьон-сэргэ олоҕо биллэ тубуста. Ол курдук, улуус дьоно-сэргэтэ ыра санаа оҥостубут, өр күүппүт, туруорсубут тутуулара – М.К.Аммосов аатынан култуура уонна духуобунай сайдыы дыбарыаһа үлэҕэ киирбитэ. Бу сүҥкэн эбийиэги «АЛРОСА» хампаанньа Саха сиринээҕи «Үүнэр көлүөнэ тус сыаллаах пуондатыгар» сыллата көмөлөһөн ыытар үбүнэн тутуллубута. Нам киинигэр аныгылыы быһыылаах, бары ирдэбилгэ толору эппиэттиир кырдьаҕастар уонна инбэлииттэр интэринээт-дьиэлэрэ үлэҕэ киирбитэ. Ону сэргэ саҥа эмтэнэр куорпус тирэх сыбаайата түһэн тутуу үлэтэ тигинэччи бара турар.
Саха норуотун чулуу уола, уһулуччулаах судаарыстыбаннай уонна бэлитиичэскэй диэйэтэл Максим Кирович Аммосов төрөөбүт дойдутугар, Хатырыкка, кини аатынан элбэх хайысхалаах култуура уонна успуорт киинэ тутуллан нэһилиэк олоҕо биллэрдик сэргэхсийдэ.
Оттон Модут нэһилиэгэр 150 миэстэлээх, Нам сэлиэнньэтигэр 450 миэстэлээх оскуолалар тутулла тураллар. Маны таһынан хас да нэһилиэккэ оҕо уһуйааннара тутулланнар, кэлэр кэскилбит үүнэр-сайдар кыаҕа улаатта. Саҥа эбийиэктэр тутуллуулара – норуот бигэ туругун бэлиэтэ. Кэлиҥҥи сыллары ыллахха Нам улууһугар тутуу үлэтэ биллэ кэҥээтэ. Бу барыта – тыа сирин сайыннарар бырагыраамаларынан ыытылла турар үлэлэр. Онон, улууска бииртэн биир саҥа тутуу күн аайы эбиллэн, бар дьон сүргэтэ көтөҕүллэр.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…