Бүлүү улууһугар Тыымпы сэлиэнньэтин сайылыгар ыытыллыбыт Зоотехник-селекционердар өрөспүүбүлүкэтээҕи үһүс куонкурустарыгар ситиһиилээхтик кыттыбыттар ортолоругар Халбаакы олохтооҕо Анатолий Михайлович Самсонов баара. Кини сылгы иитиитигэр кылгастык санаатын үллэһиннэ.
— Зоотехник-селекционердар ортолоругар өрөспүүбүлүкэтээҕи таһымнаах сүрдээх интэриэһинэй күрэхтэһии буолан ааста. Практическай чааһыгар сылгы арҕаһын үрдүгүн, устатын, агдатын төгүрүмтэтин мээрэйдээтибит. Мээрэйи ылыы племенной үлэҕэ олус суолталаах. Мин хаһаайыстыбабар 30-ча сылгылаахпын. Кыстыгы этэҥҥэ туораабыппыт. Субсидиянан туһанабын. Эти “Сыа Бүлүү” кэпэрэтиипкэ туттарабын. Сылгы иитээччи быһыытынан эттэхпинэ, өртөөһүн ыытыллыбат буолбута олус охсуулаах. Урукку сирдэр өттөммөт буоланнар, сирбит-уоппут кур лаҥхаҕа кубулуйда. Ол да иһин сылгылар дьиэ таһыттан арахпат буоллулар. Сылгыларбын бэйэм көрөбүн-истэбин, миинэр аттаахпын. Быйыл биһиги эргин от үүнүүтэ ортоһуор соҕус. Тыа хаһаайыстыбатыгар уһуннук үлэлээбитим. Биэнсийэҕэ тахсан баран сылгы иитиитинэн дьарыктанабын, — диир Бүлүү улууһун Халбаакытыттан зоотехник-селекционердар үһүс куонкурустарыгар эдэрдэргэ холобур буолар курдук ситиһиилээхтик кыттыбыт Анатолий Самсонов.
А.М.Самсонов үөрүүлээх быһыыга-майгыга РФ үтүөлээх зоотехнигын Диас Сергеев аатынан бириэмийэни туппута. Сылгы иитиитин зоотехниктарын ортолоругар бастаабыта. Онон дойдутугар Халбаакыга 65000 солкуобайдаах сэртипикээттээх, кыайыы-хотуу көтөллөөх тиийдэ.
Хаартыска: ааптар уонна Алексей Николаев (Бүлүү) түһэриилэрэ
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…