Хаартыска sakha.gov.ru ылылынна
Ахсынньы 19 күнүгэр, Саха Өрөспүүбүлүкэтин Ил Дархана Айсен Николаев СӨ Судаарыстыбаннай Мунньаҕар (Ил Түмэҥҥэ) Анал этиитигэр өрөспүүбүлүкэ социальнай-экэнэмиичэскэй сайдыытын тутаах хайысхаларын бэлиэтээтэ.
СӨ Бырабыыталыстыбатын Бэрэссэдээтэлин солбуйааччы Анатолий Семенов ыйыллыбыт көҕүлээһиннэр стратегическай суолталарын тоһоҕолоон бэлиэтээтэ.
«СӨ Ил Дархана бэлиэтээбит соруктарын олоххо киллэрии экэниэмикэни бөҕөргөтүөҕэ, социальнай эйгэни сайыннарыыны түргэтэтиэҕэ уонна уопсастыба дьүөрэлэһэн сайдарыгар усулуобуйа тэриллиэҕэ. Биһиги иннибитигэр улахан сыаллар-соруктар тураллар, онон биһиги түмүстэхпитинэ суолталаах түмүктэри ситиһэрбитигэр эрэнэбин«, — диэтэ Анатолий Семенов.
Биир сүрүн хайысханан урбаан сайдыыта буолар. Муниципалитеттарга урбааҥҥа сүрүннүүр сэбиэттэр оруолларын күүһүрдүү, биисинэс уонна былаас органнарын икки ардыгар көдьүүстээх кэпсэтиини олохтуохтаах.
Ураты болҕомто туризмҥа уурулунна. Бу хайысханы сайыннарыы саҥа стратегията 2030 сылга диэри туристары 700 тыһыынча киһиэхэ тиийэ элбэтэргэ туһаайыллар. Анатолий Семенов этэринэн, сыалы ситиһэргэ инфраструктураны сайыннарыы, квалификациялаах каадырдары бэлэмнээһин уонна ис туризмҥа усулуобуйаны тэрийии былааннанар.
СӨ Бырабыыталыстыба Бэрэссэдээтэлин солбуйааччы үөрэх эйгэтигэр ситиһиилэри бэлиэтээтэ. 2024 сылга 13 оскуола, түөрт уһуйаан уонна успуорт түөрт саалата үлэҕэ киирэллэрэ былааннанар. 2018 сылтан өрөспүүбүлүкэҕэ барыта 171 үөрэх тэрилтэтэ тутуллубут, бу хайысхаҕа үлэ салҕанар.
Саха сирэ креативнай индустрия эйгэтигэр инники күөҥҥэ сылдьар.
«Саха сирэ тутаах бырайыактары олоххо киллэрэн, креативнай индустрияны салгыы сайыннарар, мультипликационнай кластеры, аныгы киинэ павильонун уонна үөрэҕи көҕүлүүр Үүнэр көлүөнэ пааркатын тэрийэн. Бу бырайыактар креативнай экэниэмикэҕэ эрэгийиэн позициятын бөҕөргөтөргө уонна саҥа көлүөнэ исписэлиистэрин бэлэмнииргэ көмөлөһүөхтэрэ«, — диэн бэлиэтээтэ.
Анатолий Семенов олох бары эйгэтин тупсарарга кэлимник ылсыы Саха сирэ бигэ тирэхтээхтик сайдарыгар төһүү буолуоҕун эттэ.
«Ил Дархан көҕүлээһинэ өрөспүүбүлүкэҕэ олох хаачыстыбатын үрдэтэргэ уонна федеральнай таһымҥа балаһыанньаны бөҕөргөтөргө модун күүһү биэриэҕэ«, — диэн түмүктээтэ.
СӨ Ил Дарханын уонна Бырабыыталыстыбатын пресс-сулууспата
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…