Быһа эпиир кэмигэр Ил Дархан Айсен Николаев олохтоохтор ыйытыыларыгар хоруйдаата уонна кэлэр сылларга эрэгийиэн социальнай-экономическай сайдыытын сүрүн соруктарын билиһиннэрдэ. Бу туһунан өрөспүүбүлүкэ бырабыыталыстыбатын бэрэссэдээтэлин солбуйааччы Анатолий Семенов эттэ.
Биир сүрүн хайысханан 2030 сылга диэри Арассыыйа Федерациятын инфраструктуратын көҕүлээһиннэрин испииһэгэр киирбит «Арктика синергията» бырайыак буолар. «Ураты болҕомто «Арктика синергията» бырайыагы олоххо киллэриигэ уурулунна. Бырайыак үбүлэнэн Саха сирин арктическай зонатын 15 оройуонугар баар 62 нэһилиэнньэлээх пууннары түргэн интэриниэтинэн хааччыйыаҕа. Итиннэ тыһыынчанан килэмиэтир усталаах оптоволокно ситимэ тардыллыаҕа. Бу хаачыстыбалаах сибээһинэн хааччыйыаҕа уонна ороскуоту лаппа чэпчэтиэҕэ», — диэн Анатолий Семенов бэлиэтээтэ.
Өрөспүүбүлүкэ баһылыга үөрэх инфраструктуратын сайыннарыыга эмиэ тоһоҕолоон тохтоото. Саҥа үөрэх дьылыгар Михаил Ефимович Николаев аатын сүгэр 40-с нүөмэрдээх оскуола уонна Адаптивный үөрэх комплекса аһыллыбыттара.
«Оҕолору табыгастаах уонна аныгы үөрэх усулуобуйатын тэрийии бу — эрэгийиэн бырабыыталыстыбатын инники күөҥҥэ тутар боппуруоһа», — диэн Анатолий Семенов эбэн эттэ.
Сиһилии: https://www.sakha.gov.ru/news/12658
Саха сирин олохтоохторугар хомунаалынай өҥө счетчиктарын көрдөрүүлэрин МАХ-ка чат-бот нөҥүө биэрэр кыах үөскээтэ. Бу сыыппара…
“Энэргиэтикэ” хайысхатыгар РФ Судаарыстыбаннай сэбиэтин хамыыһыйатын бастакы мунньаҕар ааспыт сыл түмүгүн таһаардылар уонна 2026 сыллааҕы…
Аҕа дойду Улуу сэриитигэр Ленинград куорат 872 күннээх өстөөх ытарчатын тулуйбута. Бу ытык сир көмүскэлигэр…
Ааспыт сууккаҕа Саха сиригэр буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сирин корнхолга муҥутуур кыайыылааҕа, успуорт үтүөлээх бэтэрээнэ Прокопий Петухов Нам улууһун Хатырык нэһилиэгэр маастар-кылаас…
Булуҥ улууһугар ньиэп бородууктата тохтубутунан СӨ борокуруора Сергей Дябкин сорудаҕынан, оройуоннааҕы борокуратуура туһааннаах исписэлиистэри кытта …