Анатолий Семенов «Саха сирэ — дьоруойдар сирдэрэ» бырагыраамаҕа лиэксийэ аахта

СӨ Бырабыыталыстыбатын бэрэссэдээтэлин солбуйааччы Анатолий Семенов «Саха сирэ — дьоруойдар сирдэрэ»  бырагыраама кыттылаахтарыгар лиэксийэ аахта. Бырагыраама байыаннай дьайыы кыттыылаахтарын салайар үлэҕэ бэлэмниир хайысхалаах.

Көрсүһүү кэмигэр Анатолий Семенов бырагыраама кыттыылаахтарыгар Саха сирин инновационнай экосистиэмэтин билиһиннэрдэ. Ону сэргэ эрэгийиэн технологическай сайдыыта суолталааҕын бэлиэтээтэ.

Лиэксийэ кэмигэр информационнай сэрэхтээх буолуу боппуруоһа таарылынна. Ол курдук өрөспүүбүлүкэҕэ кибератаканы утары үлэлэһэр киин тэриллибитин иһитиннэрдэ. Ону сэргэ сибээс сайдыытын, ВОЛС ситимэ кэҥээһинин туһунан кэпсэттилэр.