Ааптар түһэриитэ
Кулун тутар 30-31 күннэригэр Дьокуускайга »ТҮМҮҮ» (Төрүт Үгэс — Мин Үүнэр Үктэлим) уопсастыбаннас мунньаҕа буолла.
Бары улуустартан, куораттартан уопсастыбанньыктар, айар сойуустар, интеллигенция, ыччат лиидэрдэрэ мустан, духуобунай, сиэр-майгы сыаннастарын харыстааһыҥҥа, бөҕөргөтүүгэ киэҥ кэпсэтиилэр, ырытыһар былаһааккалар, төгүрүк остуоллар, сэминээрдэр буоллулар.
Бу тэрээһини сүрүннээччи Андрей Борисов икки күннээх тэрээһин туһунан санаатын бу курдук үллэһиннэ:
— Бэрэсидьиэн Владимир Путин ыйааҕа баар. Дойдуга төрүт духуобунай, сиэр-майгы өттүнэн сыаннастарын бөҕөргөтүү туһунан. Ил Дархан бэҕэһээ биир тустаах ыйаахха илии баттаата. Бу барыта дьону түмэр, сомоҕолуур сыаллаах. Биһиги уопсастыбаннаһы түмэ тардан, этиилэри истэн, өрөспүүбүлүкэтээҕи бырагыраамаҕа киллэрэн, үлэлиирин ситиһиэхтээхпит.
Уопсастыба өйө-санаата сааһыланан, бэйэбит төрүт сыаннастарбытыгар тирэҕириэхтээхпит. Атын омуктар найылаабыт сыаннастарыгар буолбатах. Кинилэр өй-санаа, култуура өттүнэн ордук ыччакка дириҥник өтөн киирэр идэлээхтэр. Оттон бэйэбит сыаннастарбыт олус күүстээхтэр: итэҕэлбит, ыһыахпыт, олоҥхобут… Ыһыах, култуура тэрээһиннэрэ ыытыллаллар, тоҕо хос тэрийэҕит диэн ыйыттахтарына, маннык хоруйдуубун: былыр оҕонньоттор этэллэрин курдук, такайыахха, эргитэн аҕала-аҕала санатыахха наада.
Икки күн устата араас былаһааккаларга кэпсэтии бөҕө барда, этиилэр киирдилэр, тэрээһиммит табылынна дии саныыбын.
Булуҥ улууһун Тиксии бөһүөлэгэр ахсынньы 24 күнүгэр буурҕа түспүтүнэн сибээстээн оскуолаларга, оҕо уһуйааннарыгар үөрэх тохтотулунна.…
Сунтаар улууһугар итирик туруктаах уруулга иккиһин олорбут олохтоох дьахтарга суут бириигэбэрин таһаарда. Дьахтар ити иннинэ…
Биэнсийэни анааһыҥҥа ийэлэр бары оҕолорун көрбүт кэмнэрин ахсаанынан хааччахтааһына суох учуоттуур буолуохтара. Бу хос ааҕыы…
Саха сиригэр суукка иһигэр 3 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.…
Бүгүн, ахсынньы 24 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Күн астрономиятын лабораторията ахсынньы 24 күнүнээҕи геомагнитнай хамсааһын сабаҕалааһынын таһаарда. Лаборатория дааннайдарынан, ахсынньы 24 күнэ…