Андрей Борисов: «Үөһээ Бүлүүгэ ыытыллыбыт Олоҥхо ыһыаҕар биир ситимнээх үлэни тэрийэргэ сүбэлэспиппит»

Андрей Борисов: «Үөһээ Бүлүүгэ ыытыллыбыт Олоҥхо ыһыаҕар биир ситимнээх үлэни тэрийэргэ сүбэлэспиппит»

25.11.2022, 21:07
Бөлөххө киир:

Бүгүн Олоҥхо күнүгэр СӨ Судаарыстыбаннай сүбэһитэ, судаарыстыбаннай уонна култуура диэйэтэлэ, уhулуччулаах режиссер Андрей Борисов «Арассыыйа — мин устуоруйам» историческай пааркаҕа ыытыллыбыт бары тэрээһиннэргэ көхтөөхтүк кытынна.

«Саха сирэ» хаһыат саайтыгар анаан кини Олоҥхо дьиэлэрин ситимнээх үлэлэригэр сыһыаннаан санаатын маннык тиэртэ:

Быйыл сайын Үөһээ Бүлүүгэ ыытыллыбыт Олоҥхо ыһыаҕар улуустар баһылыктарын кытта сүбэлэһэн баран, Олоҥхо дьиэлэригэр  биир ситимнээх үлэни тэрийэргэ сүбэлэспиппит.  Онон Олоҥхо күнүгэр бу толкуй олоххо киирдэ — 10 улуус баһылыга уонна бэрэстэбиитэлэ Сөбүлэҥҥэ илии баттаатылар. 

Бу докумуон олус дириҥ ис хоһоонноох уонна суолталаах. Илии баттаспыт улуус баһылыктара да, тэрилтэ салайыыччылара да норуот аатыттан  «Олоҥхо сайдыытыгар  кэскиллээх үлэни тэрийиэхпит, араас бырайыактары сонун сүүрээннэри көҕүлүөхпүт уонна өйүөхпүт», — диэн санааларын докумуонунан бигэргэттилэр.

Онон Олоҥхо күнүгэр итинник докумуон баар буолуута — барыбыт үлэтигэр төһүү уонна тирэх буолуоҕа.

Лента
Салгыы
29 ноября
  • -33°C
  • Ощущается: -40°Влажность: 67% Скорость ветра: 2 м/с