Хаартыска: www.sakha.gov.ru
РФ Бэрэсидьиэнигэр СӨ бастайааннай бэрэстэбиитэлэ, Саха сиринээҕи кэлим координационнай киин салайааччыта Андрей Федотов брифинг кэмигэр бүгүҥҥү күҥҥэ киин иннигэр турар суолталаах соруктары кэпсээтэ.
Кэлим координационнай киин үлэтин сүрүн хайысхаларыттан биирдэстэринэн байыастарга эбии тэрили тириэрдии үлэтин сүрүннээһин буоларын бэлиэтээтэ. Күн бүгүн болҕомто анал тэрилгэ, оптикаҕа, электроникаҕа, пилота суох көтөр аппараакка, снайпердар тэриллэригэр, чуҥнааһыҥҥа туһаныллар араас тэрилгэ, уо.д.а. ууруллар.
“Өрөспүүбүлүкэҕэ снайпинг-киин тэриллиэҕиттэн, бастыҥ инструктордар тиһигин быспакка “ленточка” тас өттүгэр тахсаллар уонна снайпердарга үөрэх ыыталлар. Бэйэлэрэ да уонна хамандыырдара да үлэ көдьүүһэ биллэ күүһүрэр диэн кэпсииллэр”, — диэн Федотов бэлиэтиир.
“Север” билим-үөрэтэр киин саҥа оҥоһугун билиһиннэрдэ. Ол иитинэн эдэр конструктордар фроҥҥа 80-мм миномекка уонна автоматическай гранотомекка сыалы көрөр тэрили оҥорбуттарын иһитиннэрдэ. “Бу сатыы киирээччилэргэ, кимээччилэргэ аналлаах, инники күөҥҥэ сылдьааччылар туһанар сэриилэрин сэбэ буолар. Байыаннай усулуобуйа бастакы тургутуутун ааста, байыастар биһирээбиттэрин биллэрэллэр. Чопчу түһэрии күүһүрэр, онон сэрии сэбин саппааһа аҕыйах барар. Салгыы манан үлэлиэхпит уонна “Хоту-Тент” бүрүйэр матырыйаалын, “ЯКТ-Сокол” бородууксуйатын курдук маассабайдык туһанарга этии киллэриэхпит”, — диэн кини бэлиэтиир.
Федотов этэринэн, байыастар Саха сиригэр оҥоһуллубут электрическэй матасыыкылы эмиэ биһирииллэрин ыйар. “Матасыыкыл байыаннай усулуобуйаҕа хайдах үлэлиирэ көһүннэ: тыаһа суох, уһуннук үлэлиир үчүгэй аккумулятордаах, түргэнник уонна утарсааччыга көстүбэккэ эрэ инники кирбиигэ дьайыылары оҥорорго туһаныллар”, – диэн киин салайааччыта бэлиэтиир.
Кэлиҥҥи балтараа ыйга анал байыаннай дьайыы ыытылла турар сиригэр өрөспүүбүлүкэ уон улууһун дэлэгээссийэтэ бара сылдьыбытын кэпсиир. “Кинилэр аадырыстаммыт баһыылкалары тиэрдэллэр, көмөлөһөллөр. Биһиги уолаттарбытыгар бу улахан суолталаах, биһирииллэр, сэҥээрэллэр” – диэн этэр.
СӨ Ил Дарханын уонна Бырабыыталыстыбатын пресс-сулууспата.
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…