СӨ Ил Дарханын уонна Бырабыыталыстыбатын пресс-сулууспатын хаартыската
Бу күннэргэ Москваҕа баар Саха сирин постпредствотын иһинэн баар Биир кэлим координационнай киин 2023 с. үлэтин былаанын, соругун дьүүллэстилэр.
Биир кэлим координационнай киин байыаннай сулууспалаахтарга уонна кинилэр дьиэ кэргэннэригэр араас өрүттээх көмөнү оҥорор аналлаах.
Ааспыт сыл үлэтин түмүгүнэн Киин үлэтин мэхэньиисимэ сөптөөхтүк оҥоһуллубута көһүннэ. Байыаннай дьайыылар кыттыылаахтарыгар уонна кинилэр дьиэ кэргэннэригэр өйөбүлү, көмөнү таһынан, саҥа эрэгийиэннэр сирдэрин-уоттарын чөлүгэр түһэриини уонна нэһилиэнньэҕэ гуманитарнай көмө оҥороллор.
Бастайааннай бэрэстэбиитэл Андрей Федотов этэринэн, 2023 сыл сүрүн соругунан байыаннай дьайыылар сирдэригэр баар Саха сириттэн сылдьар дьон туһунан дааннайдары хомуйар биир кэлим систиэмэни оҥоруу буолар.
«Биһиги сорукпут – хас биирдии байыаспыт хайдах хааччыллыбытын, туохха наадыйарын, доруобуйатын, психологическай туругун билэн олорор систиэмэни оҥоруохтаахпыт. Итинник соругу биһиги Оборуона министиэристибэтин, военкоматы, байыаннай чааһы кытары туруорабыт, ол кыаллар суол. Сүрүнэ диэн, хас биирдии байыас дьылҕатын туһунан билиэхтээхпит уонна чугас дьонноро ыйытар түгэннэригэр тута эппиэттиир буолуохтаахпыт. Хас биирдии саллаакка болҕомтону ууруохтаахпыт, кыһаныахтаахпыт. Ол кыайыыны түргэтэтиэ», – диэн эттэ Андрей Федотов.
Кини бэлиэтииринэн, байыаннай сулууспалаахтары кэнники хааччыйыы быдан тупсубут. «Уолаттарбыт күн аайы эрчиллэллэр, настарыанньалара бойобуой. Онон мин уолаттарбытын өйүүргүтүн иһин, чуолаан, чугас дьонноругар, махтаныам этэ. Ханнык баҕарар сурук, баһыылка, кэһии, төрөөбүт дойдуттан эҕэрдэ кыайыыга кынаттыыр», – диэн кини эбэн эттэ.
СӨ Ил Дарханын уонна Бырабыыталыстыбатын дьаһалтатын пресс-сулууспата.
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…