Хаартыска: РФ Бэрэсидьиэнигэр СӨ Бастайааннай бэрэстэбиитэлистибэтэ
Үлэҕэ туох сорук, хайысха турарын туһунан РФ Бэрэсидьиэнигэр СӨ Бастайааннай бэрэстэбиитэлэ Андрей Федотов иһитиннэрдэ.
«Соторутааҕыта Дьокуускайга командировкам түмүгүнэн бүгүн мунньах буолла. Дьокуускайга Биир кэлим сүрүннүүр киин суһал ыстааба тэрилиннэ. Бу мобилизованнайдары хааччыйыыга үлэлэһэр. Суһал ыстаап муниципалитеттары, уопсастыбаннаһы, бэлитиичэскэй структуралары, гражданскай көхтөөх буолуу кииннэрин кытта кытары ыкса сибээһи тутан үлэлиэ«, — диэтэ Андрей Федотов.
Биир кэлим сүрүннүүр киин байыаннай эпэрээссийэни кытары сибээстээх ыйытыылары сүрүннээччи буоларынан, тирэх пууннары кытары үлэ тиһиктээхтик ыытылларын, госпиталлары кытары хардарыта сибээс олохтонон ыкса үлэ ыытылларын кини бэлиэтээтэ.
«Биһиги уоппускалаахтары кытары ситимнээх үлэни саҕалыыбыт. Мобилизацияламмыттар, доброволецтар уоппускаланар кэмнэрэ кэллэ. Бу эмиэ биһиги болҕомтобутун ирдиир. Биһиги дьиэтигэр уоппускаҕа кэлэр байыас доруобуйатын көннөрүнэригэр, дьиэ кэргэнин кытта сынньанарыгар, санаторийга эмтэнэригэр көмөлөһүөхтээхпит. Биһиги хас биирдии байыас кинини дойдутугар кэтэһэллэрин, киниэхэ болҕомто, кыһамньы баарын билэригэр үлэлэһэбит«, — диэн бэлиэтиир Андрей Федотов.
Биир кэлим сүрүннүүр киин үлэһиттэрэ болҕомтолорун уурар боппуруостарынан, байыаннай сулууспалаахтар уонна кинилэр дьиэ кэргэттэрин ыйытыыларыгар, этиилэригэр болҕомто күүһүрэр. Үлэни ситимниир, кэҥэтэр, күүһүрдэр туһуттан, Биир кэлим сүрүннүүр киин базаларын уонна 122 суһал лииньийэтин холбуурга, түмэргэ быһаарыы ылыллыбыт. Биир кэлим база дьон этиитигэр, ыйытыытыгар туох үлэ ыытылларын, онно эбии туох миэрэни ылар ирдэнэрин көрө-билэ олоруо диэн быһаарыллар.
Андрей Федотов этэринэн, бу үлэ биир сүрүн хайысхатынан буолар. «Хас биирдии саллаат, байыаннай сулууспалаах дьиэ кэргэнэ уопсастыба уонна судаарыстыба болҕомтотугар сылдьыахтаахтара биһиги сүрүн сыалбыт-сорукпут. Бу биһиги ытык иэспит«, — диэн этэр РФ Бэрэсидьиэнигэр СӨ Бастайааннай бэрэстэбиитэлэ.
СӨ Ил Дарханын уонна Бырабыыталыстыбатын пресс-сулууспата
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…