Хаартыска: Ил Дархан пресс-сулууспата
РФ бэрэсидьиэнин иһинэн Саха Өрөспүүбүлүкэтин бастайааннай бэрэстэбиитэлэ, Биир кэлим сүрүннүүр киин салайааччыта Андрей Федотов бу сылга бастакы брифины ааспыт сыл түмүктэригэр уонна 2024 сыл былааннарыгар анаата.
Кини иһитиннэрбитинэн, ааспыт сыл уонна 2024 сыл суолталаах түгэнинэн, Арассыыйа бэрэсидьиэнэ Владимир Путин байыаннай эпэрээссийэҕэ олохторун толук уурбут дьон дьиэ кэргэнин кытары Ороһуостуба иннинэ буолбут көрсүһүүтүн ааттаата. Ыҥырыллыбыт дьон ортотугар Саха сириттэн Арассыыйа Дьоруойа Дмитрий Егоров дьиэ кэргэнэ баара. Биир кэлим сүрүннүүр киин Егоровтар дьиэ кэргэттэрэ бу тэрээһиҥҥэ кэлэр тэрээһиннэригэр көмөлөспүтэ.
Андрей Федотов эппитинэн, өссө биир сүрүн түгэнинэн РФ Оборонаҕа миниистирэ Сергей Шойгу “Барс-2” баҕа өттүнэн барааччылар батальоннарын “Боотурга” уларытыыны ааттаата.
Биир кэлим сүрүннүүр киин былырыын Саха сиригэр өссө биир тирэх пууну тэрийбитэ. Андрей Федотов быһаарбытынан, тирэх пууннар дислокациялара тиһигин быспакка уларыйар.
«Ол үлэни түргэнник уонна үчүгэйдик тэрийэргэ көмөлөһөр. Холобур, өрөспүүбүлүкэ баһылыгыттан Саҥа дьыллааҕы бэлэхтэр уонна эҕэрдэлэр бары кэриэтэ байыастарга икки нэдиэлэ кэм иһигэр тириэрдиллибиттэрэ”, — диэтэ Андрей Федотов.
Ил Дархан Айсен Николаев көҕүлээһининэн, Уһук Илиҥҥэ бэрэсидьиэн боломуочуйалаах бэрэстэбиитэлин өйөбүлүнэн, өрөспүүбүлүкэҕэ высокоточнай ытыы киинэ тэриллибитэ, ону Арассыыйа Дьоруойа Александр Колесов салайда. Сүрүн госпиталлары кытары сөбүлэһиилэр түһэрсилиннилэр, Биир кэлим киин тэрээһин боппуруостарга көмөлөһөр, Саха сириттэн сылдьар бааһырбыт байыастары өйүүр, кинилэр салгыы эмтэнэ уонна доруобуйаларын чэбдигирдэ барар куораттарын кытары актыыбынайдык үлэлиир. “Бэс Чагда” санаторий базатыгар доруобуйаны чөлүгэр түһэрэр киин үлэлиир.
«Бу киини уонна киин үлэтин байыастар үрдүктүк сыаналыыллар. Санаторийга сынньанааччылар кинилэргэ чугас дьоннорун курдук сыһыаннаһаллар”, — диэтэ Федотов.
Андрей Федотов брифинын түмүктүүрүгэр 2024 сыл сүрүн түгэнинэн Арассыыйа бэрэсидьиэнин быыбара буоларын бэлиэтээтэ.
Бу нэдиэлэҕэ Саха сириттэн байыаннай дьайыы буола турар сиригэр 20 туонна таһаҕаһы тиэммит массыыналар айаннаатылар.…
Бүгүн, ахсынньы 10 күнүгэр, Ил Дархан Айсен Николаев "ОКТО" хампаанньа дириэктэрдэрин сэбиэтин бэрэссэдээтэлигэр Алексей Толоконниковка…
«Сахаада-спорт» СӨ норуоттарын успуорт төрүт көрүҥнэригэр уонна оонньууларыгар ассоциацията быйылгы лауреаттары ааттаата. Лауреаттары успуорт көрүҥнэринэн…
Байыаннай дьайыы кыттыылааҕа Петр Парников Мэҥэ Хаҥалас улууһун Хара нэһилиэгин успуорт оскуолатыгар тириэньэринэн үлэҕэ киирдэ.…
Саха Өрөспүүбүлүкэтин Бырабыыталыстыбатын 2025 сыл ахсынньы 8 күнүнээҕи 501 №-дээх уурааҕынан, Өлүөхүмэ куоратыгар «Дьиэ (мас),…
Хаҥалас улууһун Кытыл Дьураа сэлиэнньэтигэр "СӨ ОДьКХ" ГУП тэрилтэ 3,48 МВт кыамталаах хочуолунайа үлэҕэ киирдэ. Бу…