Хаартыска: Ил Дархан, бырабыыталыстыба дьаһалтатын пресс-сулууспата.
РФ бэрэсидьиэнигэр Саха сирин Бастайааннай бэрэстэбиитэлэ, СӨ бырабыыталыстыбатын бэрэссэдээтэлин бастакы солбуйааччы Андрей Федотов РФ Уһук Илини уонна Арктиканы сайыннарыыга министиэристибэ кэлиэгийэтин түмүктүүр мунньаҕар кытынна.
Кини Саха сирин сайдыытын, Уһук Илини сайыннарыыга кылаатын туһунан кэпсээтэ.
— Кэнники үс сылга инвестиция кээмэйэ үс төгүл улаатан, 3 триллион солкуобайга тэҥнэстэ. Счетнай балаата дааннайынан, Арассыыйаҕа кэлэр инвестордар чуолаан Уһук Илиҥҥэ үчүгэй усулуобуйа баарын бэлиэтииллэр. Уһук Илин балысхан сайдыыта – тустаах биэдэмистибэлэр, салайааччылар үлэлэрин түмүгэ. Манна Хотугу муора суола эмиэ улахан суолталаах. 2026 сылга бу суолунан таһаҕаһы тиэрдии 100 мөлүйүөн туоннаҕа тиийиэхтээх. Урут ааспыт үйэ 80-с сылларыгар муҥутаан 7 мөлүйүөн туонна таһаҕаһы тиэйэр этилэр. Бүгүҥҥү күҥҥэ номнуо 32 мөлүйүөн туонна таһаҕас тиэрдилиннэ. Бу көрдөрүү сайдыы сөпкө баран иһэрин туоһута, — диэн кини эттэ.
Ону тэҥэ, Андрей Федотов Саха сиригэр уонна Уһук Илиҥҥэ социальнай бырайыактар, бырагыраамалар олоххо киириилэрин үрдүктүк сыаналаата.
— Биһиги өрөспүүбүлүкэбитигэр «Уһук Илин ипотеката» бырагыраама күүскэ сайдар, онон эрэгийиэҥҥэ инники күөҥҥэ сылдьар. “Уһук Илин гектаара” бырагыраама эмиэ тэтимнээхтик баран иһэр. Дьиэни тутууга Саха сирэ үчүгэй көрдөрүүлээх. Доруобуйа харыстабылыгар ситиһиилэр бааллар. Дьокуускайга Сүрэх-тымыр киинэ тутулунна.
Тырааныспар-логистика тутулун оҥоруу, Илиҥҥи полигону, федеральнай суоллар ситимнэрин, муосталары, өрүс флотун, салгын аалларын пааркатын саҥардыы улахан суолталаах. Бу былааннаммыт үлэлэр, ол иһигэр Өлүөнэ муостата, бары болдьоҕор бүтүөхтэрэ диэн эрэллээхпин. Министиэристибэ кэлиэгийэтин мунньаҕар ырытыллыбыт боппуруостар бэрэсидьиэн бигэргэппит Уһук Илини сайыннарыы Национальнай бырагырааматын чэрчитинэн, олоххо киллэриллэллэр, — диэн Андрей Федотов эттэ.
Ил Дархан, бырабыыталыстыба дьаһалтатын пресс-сулууспата.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…