Андрей Мидловец Европа чөмпүйэнээтигэр кыһыл көмүс мэтээл иһин киирсиэҕэ

Бу күннэргэ Сербияҕа көҥүл тустууга эдэрдэргэ  Европа чөмпүйэнээтэ ыытылла турар. Саха сирин  бөҕөһө Лев Павлов (57 киилэ) 21 саастарыгар диэри биирдиилээн бастыыр иһин күрэхтэһиигэ бастакы кыһыл көмүс мэтээли ылары ситистэ.

Бүгүн Саха сирин уонна Арассыыйа сүүмэрдэммит хамаандатын тустууга   Андрей Мидловец финалга тахсан, кыһыл көмүс иһин киирсиэҕэ.

Андрей Мидловец  полуфиналга эрэллээхтик кыайбыта.  Бүгүн кини утарылаһааччытынан Азербайджантан  Джамал Аббасов  буолуоҕа.