Бу күннэргэ өрөспүүбүлүкэ улуустарыгар баһылыктар отчуоттара буола тураллар. Ол кэмигэр Ил Түмэн дьокутааттара уокуруктарыгар тэҥҥэ сылдьыһаннар, баар быһыыны-майгыны, олоҕу-дьаһаҕы, нэһилиэнньэ санаатын-оноотун миэстэтигэр чугастан ордук сытыытык билсэллэр.
Ил Түмэн аграрнай бэлиитикэҕэ уонна тыа сиригэр сис кэмитиэтин бэрэссэдээтэлэ Андрей Находкин Мэҥэ Хаҥалас улууһун баһылыгын отчуотун кэмигэр быстах хомуурга сылдьар ыччаттарбыт итиэннэ кинилэргэ туох көмө, өйөбүл оҥоһулларын тустарынан ыйыталларын бэлиэтээн туран, парламент бу хайысхаҕа туох сокуоннары ылыммытын туһунан саайт ааҕааччыларыгар кэпсээтэ.
— Бу күннэргэ Мэҥэ Хаҥалас улууһугар баһылык отчуотугар кыттыыны ыла сылдьабын. Көрсүһүү кэмигэр быстах хомуурга сылдьар ыччаттарбыт тустарынан, туох көмө, өйөбүл оҥоһулларын туһунан дьоммут долгуйан туран ыйыталлар. Отчуоттар кэмнэригэр Арассыыйа, өрөспүүбүлүкэ таһымыгар олохтоммут өйөбүллэри, элбэх өрүттээх дьаһаллары таһынан, улуустар дьаһалталара, хас биирдии олохтоох баҕа өртүнэн көмөлөһө олорорун кэпсиибит, олохтоохторго бу хайысхаҕа улахан көмөлөрүн иһин махталбытын тиэрдэбит.
Ил Түмэн дьокутааттара үп көрүллүүтүгэр, чэпчэтиилэри, өйөбүллэри оҥорор сокуоннарга биир киһи курдук куоластаабыппыт. Итини сэргэ биһиги, хас биирдии дьокутаат, бэйэбит уокуруктарбытыгар сыстаммыт, улуус баһылыктарын кытта тэҥҥэ быһаарсан, бу сокуоннарынан дьоҥҥо туһааннаах көмөлөр суһаллык оҥоһуллалларыгар бииргэ үлэлии олоробут. Холобур курдук эттэххэ, улуустан байыаннай дьайыы буола турар сиригэр икки төгүллээн бараннар, аахсыйанан хомуллубут наадалаах малы, таҥаһы, аһы ыччаттарбытыгар тус бэйэлэригэр тиэртилэр. Баһылык Тихонов Д.И., нэһилиэк баһылыктара эмиэ бара сырыттылар. Үһүс сырыыга нэһилиэк баһылыктарын кытта барарбын былааннана сылдьабын.
Биир да дьокутаат, баһылык, салайааччы, олохтоох туора турбаккабыт, төһө кыалларынан кыайыы түргэнник ситиһиллэригэр бары күүс-көмө буола сылдьарбыт көдьүүстээх. Уустук, эппиэттээх кэмҥэ биир санааламмыппыт харахха быраҕыллар, Ил Дархаммыт туруорар соруктарын толоруу бары түмүстэхпитинэ кыалларын үчүгэйдик өйдүүбүт.
Билигин нэһилиэнньэ биир долгуйар ыйытыктаах: мобилизацияттан эргиллэн кэлбит ыччаттарбытын доруобуйаларын көннөрүү, үөрэҕинэн-үлэнэн хааччыйыы, эйэлээх олоххо этэҥҥэ төнүннэрии. Дьэ, бу дьаһаллары олоххо киллэрэргэ эрдэттэн бэлэм буолуохпутун наада.
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…
Арассыыйаҕа 2026 сылтан биэнсийэни индексациялааһын икки түһүмэҕинэн барар буолуоҕа. Бу туһунан Социальнай пуонда бэрэссэдээтэлэ Сергей…
Бэҕэһээ «Путь воина» күрэхтэһии бастакы түһүмэҕэр Саха сирин «Боотур» хамаандата уонна Хабаровскай «Амурские воины» хамаанданы…