Салгыы
Андрей Николаев: «Өйөбүл, көмө ахсаабат»

Андрей Николаев: «Өйөбүл, көмө ахсаабат»

Ааптар:
31.03.2023, 17:15
Василий Винокуров хаартыскаҕа түһэриитэ
Бөлөххө киир:

Ил Түмэн дьокутаата, хонтуруоллуур кэмитиэт бэрэссэдээтэлэ Андрей Николаев дойду Бэрэсидьиэнэ Владимир Путин, Ил Дархан Айсен Николаев байыаннай сулууспалаахтары уонна кинилэр дьиэ кэргэттэрин өйөөһүн туһунан Ыйаахтарын олоххо киллэриигэ туһуламмыт сокуоннары ылыныыны норуот дьокутаатын быһыытынан өйүүрүн, быыбардыыр уокуругар Сунтаар улууһугар гуманитарнай көмөҕэ нэһилиэнньэ көхтөөхтүк кыттарын туһунан кэпсээтэ.

— Арассыыйа Бэрэсидьиэнэ Владимир Путин ааспыт сыл олунньу 24 күнүгэр Украинаҕа байыаннай эпэрээссийэни ыытар туһунан биллэрбитэ. Балаҕан ыйын 21 күнүгэр быстах ыҥырыы биллэриллибитэ, алтынньы 19 күнүгэр — ЛНӨ-ҕэ, ДНӨ-ҕэ, Запорожскай уонна Херсонскай уобаластарга байыаннай балаһыанньа олохтоммута, алтынньы 28 күнүгэр РФ оборуонаҕа миниистирэ Сергей Шойгу быстах ыҥырыы түмүктэммитин туһунан иһитиннэрбитэ.
Күн бүгүн баар быһыыны-майгыны үчүгэйдик билиэх тустаахпыт. ЛНӨ-ҕэ, ДНӨ-ҕэ, Запорожскай уонна Херсонскай уобаластарга олохтоохтор референдумҥа куоластааһыннарынан ити сирдэр Арассыыйа Федерациятын састаабыгар саҥа субъект буолан киирбиттэрин быһыытынан манна ыытыллар байыаннай эпэрээссийэни, ону таһынан дойдубут интэриэһин аан дойду бэлитиичэскэй түһүлгэтигэр биһиги күүскэ өйүүбүт. Дойдубут интэриэһин көмүскүү сылдьар буойуттарбыт уонна кинилэр дьиэ кэргэттэрэ юридическай, гуманитарнай, олох-дьаһах, өй-санаа өттүнэн, онтон да атын өйөбүллэргэ наадыйаллар.
Быыбардыыр уокурукпуттан Сунтаар улууһуттан байыаннай эпэрээссийэҕэ кыттааччы буойун элбэх. Улууска уонна нэһилиэктэргэ буойуттарга уонна кинилэр дьиэ кэргэттэригэр көмөлөһөр ыстааптар үлэлииллэр. Ити чэрчитинэн араас өрүттээх социальнай өйөбүл оҥоһуллар.
Байыаннай сулууспалаахтарга биир кэмнээх 50 тыһыынча солкуобайдаах өйөбүлү таһынан итинник биир кэмнээх төлөбүрдэр кинилэр дьиэ кэргэттэрин чилиэннэригэр көрүллэр. Ол быһыытынан быстах ыҥырыынан сулууспалыыр буойун дьонугар биир кэмнээх 15 тыһыынча солкуобайдаах төлөбүр көрүллэр.
Сунтаар улуһун нэһилиэктэрин дьаһалталарыттан (Аллаҥа, Бордоҥ, Кириэстээх, Куокуну, Кэмпэндээйи, Түбэй Дьаархан, Устье, Элгээйи) байыаннай сулууспалаахтар дьиэ кэргэттэригэр матырыйаалынай көмө суумата 112541 солкуобайга тэҥнэстэ.
Улуус дьаһалтата 7 155 192 солкуобай харчынан буойуттарга наадалаах экипировканы, эми-тому, тактическай малы (тепловизоры, рацияны, портативнай аккумуляторы, квадрокоптеры, генераторы, араас эми, мааскалары уо.д.а.) булан ыыппыта. Маны сэргэ улуус сайдыытын Пуондатыттан байыаннай эпэрээссийэҕэ сылдьар буойуттарга 1 051 635,00 солк. көрүллүбүтэ (тырааныспары, эми-тому, наадалаах малы-салы ылыыга).
Бу дьоммут судаарыстыба эбэтэр муниципальнай былаас бас билиитигэр баар сир учаастагын түүлэһиигэ иэстэриттэн, төлөбүрдэриттэн, нолуоктарыттан босхолоннулар. Нэһилиэктэр дьокутааттарын Сэбиэтин быһаарыыларынан чуо байыаннай эпэрээссийэ кыттыылаахтара бас билии уонна сир нолуоктарыттан босхолоннулар. Маны тэҥэ өйөбүл маннык көрүҥнэрэ олохтоннулар:
— Улууска куорат, бөһүөлэк уопсастыбаннай тырааныспарыгар босхо айан;
— Оскуолаҕа босхо аһылык, Саха сиригэр оҕо лааҕырдарыгар босхо путевка;
— Төрөппүт усунуоһуттан босхолооһун;
— Бастаан үлэҕэ киириигэ босхо мэдиссиинискэй көрүү;
— Оҕо саадыгар, лааҕырыгар, интэринээккэ киирии, санаторийга, курортка эмтэнии босхо;
— Тырааныспары ыытыыга мэдиссиинискэй чинчийиини ааһыыга, сааны-сэби бас билиини, туһаныыны көҥүллээһиҥҥэ 50 %-наах чэпчэтии;
— COVID–19 ИФА и ИХА антителатыгар босхо анаалыстары туттарыы.

Улууска волонтёрдар уонна тимуровецтар көмөлөрө тэрээһиннээхтик ыытыллар. Алтынньы 18 күнүттэн #МЫВМЕСТЕ гуманитарнай көмөнү тутар пуун үлэтигэр улуус бары уопсастыбаннай тэрилтэлэрэ көхтөөхтүк кытталлар. Кинилэр хомуйбут көмөлөрө СӨ Волонтердарын ыстаабыгар тиксэриллэ турар. Ити курдук, ханна баҕарар буоларын курдук, Сунтаар улууһугар буойуттарга уонна кинилэр дьиэ кэргэттэригэр өйөбүл, көмө ахсаабат.
Дойду Бэрэсидьиэнэ Владимир Путин, Ил Дархан Айсен Николаев байыаннай сулууспалаахтары уонна кинилэр дьиэ кэргэттэрин өйөөһүн туһунан Ыйааҕын олоххо киллэриигэ туһуламмыт сокуоннары ылыныыны норуот дьокутаатын быһыытынан өйүүбүн уонна өйүүргэ бэлэммин.
Биһиги дьыалабыт кырдьыктаах. Кыайыы биһиэнэ буолуо!

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 мая
  • 18°C
  • Ощущается: 16°Влажность: 22% Скорость ветра: 4 м/с

Сообщить об опечатке

Текст, который будет отправлен нашим редакторам: