Хаартыска: sakha.gov.ru
«Дальний Восток – страна приключений» куонкурус кыттыылааҕа Андрей Рукавишников Саха сирин кэрэ, тыйыс айылҕалаах сирдэринэн сылдьан устубут кыһыҥҥы эспэдииссийэтин видеокиинэтин көрдөрдө.
Видеокиинэҕэ Рукавишников хамаандата Индигиир өрүс хаарынан бүрүллүбүт сирдэринэн уонна муустаах кытылларынан саҥа суоллары тыырбыт айаннарын биир саамай уустук уонна долгутуулаах түһүмэҕэ көстөр.
9 күн иһигэр чинчийээччилэр Уус Ньара бөһүөлэгиттэн саҕалаан 128 килэмиэтири айаннаабыттар. Тымныы уонна уустук күн-дьыл туран, кыттааччылартан эт-хаан өттүнэн тулуур эрэ буолбакка, сатабыллаах буолуу эмиэ ирдэммит, онон бэйэлэрэ оҥостубут дьиэлэригэр хонон туруулара бу кинилэр мүччүргэннээх сырыыларын биир өрүтэ буолбут.
“Биһиги айаммытыгар Уһук Илин тыынын көрдөрүөхпүтүн баҕарбыппыт – дьиикэй айылҕаны эрэ буолбакка, киһи булгуруйбат күүстээх санаатын, экстремальнай усулуобуйаҕа сөп түбэһэ охсон, ураты быһаарыылары ылынарын», — диир Андрей Рукавишников.
Бу айан Арассыыйа биллибэт-көстүбэт сирдэрин чинчийии, саҥа арыйыыларга дьулуһуу чаҕылхай холобурунан буолла. Видеоэспэдииссийэ көхтөөх туризмы уонна айылҕаҕа мүччүргэннээх сырыылары таптааччылар болҕомтолорун хайыы-үйэ тарпыт.
Видеону куонкурус официальнай платформаларыгар көрүөххүтүн сөп: https://t.me/travelerdv
«Дальний Восток – страна приключений» куонкурус сайаапкалары ахсынньы 30 күнүгэр диэри ылар. Билиҥҥи туругунан 200-тэн тахса үлэ киирбит, ол иһигэр Саха сириттэн алта киинэ, диэн иһитиннэрэр Ил Дархан, бырабыыталыстыба пресс-сулууспата.
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…