Москваҕа Саха сирин күннэрин чэрчитинэн Федерация Сэбиэтигэр Федеративнай тэриллиилэргэ, эрэгийиэннээҕи бэлиитикэҕэ, олохтоох бэйэни салайыныыга уонна Хотугу сир дьыалаларыгар кэмитиэтигэр «Саха сирин кэлимник сайыннарыы» диэн ааттаах киэҥ ыҥырыылаах мунньах буолан ааста.
Тэрээһини кэмитиэт бэрэссэдээтэлэ Андрей Шевченко салайан ыытта. Кэпсэтиигэ Федерация Сэбиэтин Бэрэссэдээтэлин солбуйааччы Галина Карелова кытынна.
Андрей Шевченко Өрөспүүбүлүкэ күннэрэ Федерация Сэбиэтигэр үһүс төгүлүн ыытылларын санатта. Быйыл Саха Өрөспүүбүлүкэтэ 100 сыллаах үбүлүөйүн бэлиэтиир. «Бу сыллар усталарыгар Саха сирэ араас уустук историческай кэми ааста, улахан бырамыысыланнас эрэгийиэнинэн буолла», – диэтэ кини.
Сенатор бэлиэтээбитинэн, Саха сирин олохтоохторугар табыгастаах эйгэни тэрийии, хаарбах уонна олорорго сөбө суох дьиэ пуондатын аҕыйатыы өрөспүүбүлүкэ сайдарыгар ураты суолталаах. Бу икки сыл үлэлээбит тиһиктээх сайдыы мэхэниисимэ ити боппуруостары быһаарарга туһуламмыта.
«Төһө да геополитическай балаһыанньа уустугун, тас дойдулар хааччахтааһыны киллэрбиттэрин иһин, сирбитин-уоппутун кэлимник сайыннарыыга туһуламмыт бырайыактарбытын олоххо киллэрии тэтимэ намтыа суохтаах», – диэн Андрей Шевченко бэлиэтээтэ.
«Саха сиригэр хаарбах дьиэлэр пуондаларын аҕыйатыы боппуруоһа улахан суолталаах, тоҕо диэтэххэ, өрөспүүбүлүкэҕэ дойду эрэгэйиэннэриттэн хаарбах дьиэттэн дьону көһөрүү бырагыраамата киэҥ хабааннаах. Уустук сорук турар, Арассыыйа Бырабыыталыстыбата Сири-уоту сайыннарыы пуондатын нөҥүө үбүлээн эрэгийиэннэри бу хайысхаҕа өйүүр. Ол эрээри, практика көрдөрөрүнэн, маннык үбүлээһини ылыыга эрэгийиэн кыһалҕаны көрсөр, онон түгэни туһанан, Арассыыйа тутууга министиэристибэтэ манна болҕомтотун уурарыгар уонна хаарбах олорор дьиэ пуондатыттан көһөрүүгэ баар быраабылалары учуоттууругар көрдөһөбүн», – диэн кини тоһоҕолоон бэлиэтээтэ.
Дьүүллэһии түмүгүнэн ФС кэмитиэтэ «Саха Өрөспүүбүлүкэтин социальнай-экэнэмиичэскэй сайдыытын судаарыстыбаннай өйөбүлүн туһунан» Федерация Сэбиэтин уурааҕын бырайыагар Арассыыйа Бырабыытыластыбатын эбии пуондатыттан Кэлимник сайдыы бырагырааматынан, Дьокуускай куоракка хаарбах олорор дьиэлэртэн көһөрүүгэ анаан саҥа дьиэлэри тутууга үбүлээһини тыырарга сүбэлээтэ.
Сенатордар мунньахтарыгар итини сэргэ «Арассыыйа Федерациятыгар туспа сокуон акталарыгар уларытыылары киллэрии туһунан» Федеральнай Сокуону уонна РФ Куораты тутуу кодексыгар уларытыылары киллэрии туһунан дьүүллэстилэр.
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…