Хаартыска: Ил Дархан пресс-сулууспата
Ыам ыйын 18 күнүгэр СӨ бырабыыталыстыбатын бэрэссэдээтэлэ Андрей Тарасенко Ил Дархан ыйааҕынан бэрэпиэссэр, меценат Михаил Федорович Габышев аатынан бириэмийэни туттарыы сиэригэр-туомугар кытынна.
Андрей Тарасенко Мусуойдар аан дойдутааҕы күннэригэр М.Ф.Габышев аатынан омук ускуустубатын галереятыгар Ил Дархан уонна өрөспүүбүлүкэ бырабыыталыстыбатын аатыттан үөрүүлээх тэрээһин кыттыылаахтарын эҕэрдэлээтэ.
«Түмэл дьыалатын бары үлэһиттэрин биһиги өрөспүүбүлүкэбит уонна дойдубут устуоруйатыгар истиҥ уонна болҕомтолоох сыһыаннарын, улахан култуурунай суолталаах сыаналаах эспэнээттэри харайыыларын иһин махтанабын. Бу хайҕабылы уонна дириҥ убаастабылы ылар. Эһиги тугунан да сыаналаммат үлэҕит олус махталлаах. Биһиги хайдах олорорбутун кэлэр көлүөнэҕэ тириэрдии, көлүөнэлэр быстыбат ситимнэрин салҕааһын улахан суолталаах”, — диэтэ Андрей Владимирович.
Бу үтүө күҥҥэ наҕараадалар туттарылыннылар.
“Попечитель уонна меценат” номинациянан «Таттаавтодор» ААУо генеральнай дириэктэрэ Иван Бочонин наҕараадаланна. Ааспыт сыл түмүгүнэн “Бастыҥ түмэлинэн” Сэһэн Ардьакыап аатынан устуоруйа-кыраайы үөрэтэр түмэл наҕараадаланна, наҕарааданы дириэктэр Дьулустаан Заболоцкай тутта. “Түмэл бастыҥ үлэһитэ” номинациянан Ленскэйдээҕи устуоруйа-кыраайы үөрэтэр түмэл декоративнай-прикладной ускуустубаҕа отделын сэбиэдиссэйэ Елена Платонова бэлиэтэннэ.
Cаҥа дьылга хас биирдии дьиэ кэргэн үгэс быһыытынан баай, дэлэгэй астаах-үөллээх остуолун тула олорон, ааһан…
«РИК» бөлөх хампаанньалар көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр. 2025…
2025 сыл ахсынньы 15 күнүгэр Дьокуускай 202-с микро-оройуонугар куорат уонна чугастааҕы ыччат көрсүһэр, кэпсэтэр сирэ…
Арассыыйаҕа кэлэр сылга хомунаалынай өҥөлөр иһин төлөбүр тохсунньу 1 уонна алтынньы 1 күннэригэр үрдүөҕэ. Бу…
Азсынньы 19 күнүгэр Владимир Путин 4 чаас 27 мүнүүтэ устата ыыппыт быһа эпииригэр уонна пресс-кэмпириэнсийэтигэр…
Саха Өрөспүүбүлүкэтин суут бириистэптэрин сулууспатын управлениетыгар икки сааһын ситэ илик оҕотун иитиитигэр алименнары төлөөбөтөх дьахтар…