Андрей Турчак: «Биир ньыгыл Арассыыйа» биһиги лиидэрбит кыайыытыгар кылаата 41% ылла

«Биир ньыгыл Арассыыйа» бэлитиичэскэй баартыйа быыбардыыр учаастактарга уонна ыраахтан олорон куоластыырга 30 мөлүйүөнтэн итэҕэһэ суох быыбардааччыны ыҥырар соругу туруорбута.

Сорук толоруллубутун туһунан тустаах баартыйа Генсэбиэтин сэкирэтээрэ бэлиэтээтэ диэн «Биир ньыгыл Арассыыйа» бэлитиичэскэй баартыйа пресс-киинэ иһитиннэрэр.

«Арассыыйа Бэрэсидьиэнин быыбарыгар 31,2 мөлүйүөн баартыйа чилиэнэ уонна кинини өйөөччүлэр кытыннылар», — диэтэ Андрей Турчак.

Кини элбэх кыбартыыралаах дьиэлэр олохтоохторун уонна «Тупсаҕай куорат эйгэтин тэрийии» бырагырааматынан куоластааһын кыттыылаахтарын кытта үлэни туспа бэлиэтээтэ.