Андрей Турчак: «Биир ньыгыл Арассыыйа» эрэллээхтик кыайда

«Биир ньыгыл Арассыыйа» баартыйа Генеральнай сэбиэтин сэкирэтээрэ Андрей Турчак ТАСС брифинигэр Айсен Николаев кыайыытын туһунан тоһоҕолоон бэлиэтээтэ.

— Саха сиригэр «Биир ньыгыл Арассыыйа» баартыйа кыайыытыгар Ил Дархан Айсен Николаев улахан тус кылаатын киллэрдэ диэн бигэтик этэр наада. Быыбар үс таһымыгар барытыгар — Ил Дархан, Ил Түмэн, куорат Дууматыгар «Биир ньыгыл Арассыыйа» баартыйа кыайда. Быыбар хампаанньата уустук этэ. Ил Түмэҥҥэ баартыйа хандьыдааттара испииһэгинэн  54,2% уонна биир мандааттаах уокуруктан 35 мандааттан 33-һүн ыллылар. Дьокуускай куорат дууматыгар эмиэ итинник балаһыанньа. Баартыйа хандьыдааттара 43% -ны уонна 15 мандааттан 13-һүн ыллылар. Бу эрэллээх кыайыы буолар, — диэн Андрей Турчак эттэ.