«АнимациЯ», «ПослеZавтра» бөлөхтөр кэлэн ыллыахтара

Атырдьах ыйын 30 күнүгэр Нерюнгри куоракка ыытыллар «Русское лето. ZаРоссию» кэнсиэркэ «АнимациЯ» уонна «ПослеZавтра” бөлөхтөр кэлэн ыллыахтара. Ону тэҥэ, олохтоох кэлэктииптэр эмиэ кыттыахтаахтар.

«Русское лето. ZаРоссию» бэстибээл чэрчитинэн ыытыллар кэнсиэртэри Култуура көҕүлээһиннэрин өйүүр бэрэсидьиэн пуондата атырдьах ыйын 12-балаҕан ыйын 26 күннэригэр тэрийэн ыытар. Бэстибээл туһунан русскоелето.рф диэн саатйка киирэн, сиһилии билсиэххэ сөп.

«ПослеZавтра» бөлөх биллэр хит ырыаларын толоруоҕа. Холобур, «Своих не бросаем» биллэр ырыалара хайаан да баар буолуоҕа.

Оттон «АнимациЯ» бөлөх «Родина» диэн биллэр ырыатын толоруоҕа. Олохтоох муусукааннартан Funky Monkey кавер-бөлөх биллэр ырыалары ыллаан иһитиннэриэхтэрэ.

«Русское лето. ZаРоссию» бэстибээл сыала-соруга – патриотическай өйү-санааны күүһүрдүү, дьону түмүү, нуучча култууратын тарҕатыы буолар. Бу маннык кэнсиэртэр Арассыыйа үгүс куораттарыгар буолуохтара. Киириитэ босхо.

Тэрээһиҥҥэ Култуура көҕүлээһиннэрин өйүүр бэрэсидьиэн пуондатын сэргэ, Норуот фрона уонна Арассыыйа Уопсастыбаннай балаатата кытталлар.

Ил Дархан, бырабыыталыстыба дьаһалтатын пресс-сулууспата.