«Анимур» анимационнай киинэ бэстибээлэ питчинг күрэҕэр сайаапка тутуутун саҕалаата

«Анимур» норуоттар икки ардыларынааҕы  анимационнай киинэ бэстибээлигэр питчинг күрэҕэр кыттыыга сайаапканы тутуу саҕаланна.

Сайаапканы тутуу animur.ru саайтка бэс ыйын 25 күнүттэн от ыйын 10 күнүгэр диэри ааһыаҕа.  Куонкуруска Уһук Илиҥҥи эрэгийиэҥҥэ олорор толору саастарын сиппит Арассыыйа гражданнара кыттыыны ылыахтарын сөп.

Питчинг иккис түһүмэҕэ Хабаровскай куоракка балаҕан ыйын 28 күнүгэр «Анимур» норуоттар икки ардыларынааҕы  анимационнай киинэ II-с бэстибээлин чэрчитинэн ааһыаҕа. Бэстибээл балаҕан ыйын 28 күнүттэн алтынньы 1 күнүгэр диэри буолуоҕа. Бу сылга бэстибээлгэ 83 дойдуттан 2 108 сайаапка киирбит.