«Анимур» бэстибээл араас дойдуну түмтэ

Хабаровскайга «Анимур» норуоттар икки ардыларынааҕы анимационнай киинэ иккис бэстибээлэ түмүктэннэ.

Бу Уһук Илиҥҥэ коммерческай анимация бастакы көрүү куонкуруһунан буолар тэрээһиҥҥэ  8 тыһыынча кэриҥэ көрөөччүгэ 269 киинэни  аан дойду 64 дойдутуттан кэлэн көрдөрдүлэр.

Куонкурус чэрчитинэн Арассыыйа уонна Иран аннимационнай салааҕа үрдүк таһымнаах исписэлиистэрэ маастар-кылаастары ыыттылар. Араас дьыалабыай былааһаккаларга уопут атастаһыыта, санаа үллэстиитэ буолла. Бэстибээлгэ 83 дойдуттан 2 108 сайаапка киирдэ. Дьүүллүүр сүбэ  103 анимационнай үлэни көрөн ырытта.

Дьүүллүүр сүбэ састаабар Арассыыйа, Иран, Кытай уонна Индия бэрэстэбиитэллэрэ кыттыыны ыллылар.