Анна Чиркова: «Сийиэскэ Абыйтан иккиэ буолан кэллибит»

Дьокуускайга Саха тыйаатырыгар Саха тылын, литэрэтиирэтин, төрүт култуура учууталларын өрөспүүбүлүкэтээҕи үһүс сийиэһин дэлэгээттэрэ муһуннулар.

А.Е.Слепцов аатынан Абый орто оскуолатын саха тылын, литэрэтиирэтин учуутала Анна Чиркова санаатын үллэстэр:

— Сийиэскэ дэлэгээт быһыытынан улуустан иккиэ буолан кэллибит. Маннык сийиэс үс сылга биирдэ ыытыллар. Сийиэскэ төрөөбүт тылы үөрэтии кыһалҕаларын үрдүк салалта быһаччы истэрэ, быһаарыы ылынара олус үчүгэй, көдьүүстээх. Өрөспүүбүлүкэ үрдүнэн чаас аҕыйааһына, оҕо нууччалыы саҥарар буолан эрэрин, хамнас туһунан кыһалҕалар бааллар.
Сийиэс дэлэгээтэ, чуолаан саха тылын учууталлара сүргэлэрэ көтөҕүллэн, оҕону иитиигэ туһалаахтарын, наадалаахтарын билэн үөрэн-көтөн бараллар.

Саха тылын харыстааһыҥҥа уонна сайыннарыыга кылаатын, идэтигэр бэриниилээҕин иһин СӨ Бырабыыталыстыбатын махтал суругун тутан икки бүк дьоллоннум.