Анна Емельянова: “Саха тылын чааһа сарбыллыбатын сэргээтим”

Дьокуускайга Саха тыйаатырыгар Саха тылын, литэрэтиирэтин, төрүт култуура учууталларын өрөспүүбүлүкэтээҕи үһүс сийиэһин дэлэгээттэрэ муһуннулар.

Мэҥэ Хаҥалас улууһун Николай Дмитриевич Неустроев аатынан Бэдьимэ орто оскуолатын саха тылын, литературатын учуутала, РФ Иитиигэ уонна үөрэҕириигэ бочуоттаах үлэһитэ, СӨ үөрэҕириитин туйгуна Анна Емельянова санаатын үллэстэр:

— Бүгүн Саха тылын, литэрэтиирэтин уонна култууратын учууталларын үһүс сийиэһигэр кытта сылдьабыт. Мэҥэ Хаҥалас улууһуттан 22-бит. 15 учуутал уонна уһуйаан иитээччилэрэ. Үөрэх миниистирэ Н.А.Соколова дакылаатын иһиттибит. Тус бэйэм саха тылын үөрэтиигэ уларытыылар киирэллэрин, саха тылын чааһа сарбыллыбатын туһунан 40-с сылбын учууталлыыр киһи сэргээн иһиттим. Сийиэс үлэтэ үтүө түмүктээх буолуо диэн эрэнэбин. Сахалыы эйгэни кэҥэтиэххэ!